Latest news

13:01Игорь Сергеев: "20 та гол уриш керак бўлса-ю, вазифани бажариб, диванга ёнбошлаб олиш мумкин, бироқ..."  1 12:49Сергей Лушчан: "Жиянов ва Одиловда имтиҳон бор, Аҳмедовда жароҳат"  1 12:40"Насаф" "Қизилқум"га ҳеч қандай имкон қолдирмаган баҳсдан ГАЛЕРЕЯ  0 12:24Темур Мамасиддиқов: "'Пахтакор" юқори зонага кўтарилиб ўйнашини яхши билардик"  0 12:19Суперлигада биринчи истеъфо?!  9 12:07Умар Адҳамзода: "Вазифа – чемпионлик. Мавсум аввалида ҳам шундай эди, ҳозир ҳам шундай. Бу йўлда учта рақобатчимиз бор"  1 11:55"Қўқон-1912" "Хоразм" устидан минимал ғалабага эришган ўйиндан ГАЛЕРЕЯ  0 11:40Шаҳзод Азмиддинов: "Ўн киши ҳимояда ётиб олгандан кейин, бундай мудофаани ёриб ўтиш қийин"  1 11:25Тарихий ютуқ: Арне Слот Англия чемпионатида ғолиб чиққан биринчи нидерландиялик мураббий бўлди  2 10:56Ўзбекистон кубоги. Бугун гуруҳ босқичи якунига етади  0 10:46Клублар ўртасидаги жаҳон чемпионатида «Реал»ни ким бошқариши мумкинлиги маълум бўлди  10 10:17«Ал Ҳилол» ТОП ҳужумчининг трансфери бўйича музокараларни бошлади  0 09:45Анчелоттининг келажаги маълум  4 09:18Sofascore. Кечаги учрашувда Ҳусниддин Алиқуловнинг ҳаракатлари неча баҳога лойиқ кўрилди?  0 08:50Sofascore. Кечаги учрашувда ассист қайд этган Шомуродов неча баҳога лойиқ кўрилди?  4

Қатар МТЖ футболчиси: "Ўзбекистон биздан аламини олмоқчи" News

Қатар МТЖ футболчиси: "Ўзбекистон биздан аламини олмоқчи"

Осиё Элит Чемпионлар лигасининг 4-тури доирасида ўтказилган "Пахтакор - "Ал Райян" (0:1) баҳсидан сўнг Қатар терма жамоаси аъзоси Абдул Азиз Ҳатим сайтимизга кичик интервью берди.

- Ўйин ҳақидаги фикрларингиз билан бўлишсангиз?

- "Пахтакор" бугун анча яхши ўйин намойиш этди. Биз дастлабки уч очкони қўлга киритдик. Рақиб кўп вазиятлар эга бўлди, лекин уларнинг барчасини кўкка совурди.

- "Пахтакор"дан бундай жиддий қаршилик кутганмидингиз? Рақиб биринчи бўлимда жуда катта устунликка эга бўлди.

- "Пахтакор" қайтган тўпларнинг барчасига эга чиқди. Иккинчи қаватда ҳам рақиб устунлик қилди. Биз яхши ҳимоялана олдик. Сафарда бундай жамоага қарши ўйнаш осон эмас. Устига-устак майдон ҳолати ва об-ҳаво ҳам бизга ноқулайликлар туғдирди. Танаффусдан сўнг кўп нарса ўзгарди.

- 10 кундан сўнг Ўзбекистон ва Қатар терма жамоалари тўқнаш келишади. Қатар жамоасининг навбатдаги учрашувлари ҳақида фикр билдириб ўтсангиз?

- Биз учун ўта муҳим бўлган иккита баҳс бўлади. Жаҳон чемпионатига чиқиш имкониятларимиз ҳали сақланиб қолган. Бизда бошқа йўл йўқ, иккала рақибни ҳам мағлуб этишимиз керак бўлади.

- Ўзбек футболи мухлислари миллий терма жамоа Қатарни мағлуб этиши кераклигини кўп маротаба таъкидлашмоқда. Агар Ўзбекистон Доҳадан ғалаба билан қайтса, мундиалга тўғридан-тўғри чиқиш имкониятлари кескин ошади. Шунингдек, Осиё Кубогидаги аламли мағлубият ҳеч кимнинг ёдидан кўтарилгани йўқ. Қатар терма жамоаси Ўзбекистонга мағлуб бўлмаслиги қанчалик муҳими?

- Ўйин аҳамиятини икки мамлакат ҳам тушуниб турибди. Биз учун финалга тенг баҳс. Ўзбекистон биздан алам олмоқчи эканлигини биламиз, лекин уч очко биз учун ҳам сув ва ҳаводек зарур. Қатарликлар учун ЖЧ йўлидаги энг муҳим баҳс шу бўлади.


Эслатиб ўтамиз, Ўзбекистон миллий терма жамоаси ЖЧ-2026 3-саралаш босқичи 5-тур доирасида Қатарга қарши ўйин ўтказади. Баҳс 14 ноябрь куни Доҳадаги "Жассим Бин Ҳамад" стадионида бўлиб ўтади.



Абдулвосит Бектемиров суҳбатлашди

Rating: +2   

Comments

championat.asia
< show latest news
Яндекс.Метрика