Ана холос! "Ланс" етакчиси "Рома"да тиббий кўрикдан ўтолмади
30 aug 13:28
News

Ана холос! "Ланс" етакчиси "Рома"да тиббий кўрикдан ўтолмади

Дансонинг 25 млн евролик "Рома"га трансфери муваффақиятсиз тугади.

"Ланс" Кевин Дансо "Рома"да тиббий кўрикдан ўтолмагани ҳақида баёнот берди. 25 млн евролик трансфер бекор қилинди.

Ҳимоячи кеча Италия пойтахтига учиб борган ва бир қатор кўриклардан ўтган. Бироқ кечга яқин унинг 23 млн евро ва 2 млн евро миқдоридаги қўшимча бонуслар эвазига сотиб олиш мажбуриятини ичига олган ижара шартномаси тўхтатилган.

Бу Дансода қандайдир юрак аномалияси борлигини англатиши мумкин, дейилади хабарда.

Италияда спорт билан шуғулланиш ҳуқуқини берувчи тиббий тестлар ўта қаттиқ тартибда ўтади, шу сабабли Кристиан Эриксен "Интер"ни тарк этишга мажбур бўлган – унга юрак дефибриллятори ўрнатилган ҳолатда спорт билан шуғулланишга рухсат берилмаган.

Айни пайтда "Рома" аллақачон Дансо ўрнига бошқа футболчи топган. Рим клуби 9 млн евро (+1 млн евро бонус)га сотиб олиш ҳуқуқи билан "Ювентус"дан Тиагу Жалони ижарага олади.

Дансо йўқ! Абдуқодир Ҳусанов учун йўл очилдими?

Link :

Source : Football Italia

Receive latest football news directly on your phone. Subscribe for our Telegram channel!

Rating: -1