Жароҳат олган Митома Япониянинг Осиё Кубоги учун якуний қайдномасидан ўрин олди. 26 кишилик тўлиқ рўйхат

Япония терма жамоаси бош мураббийи Хажиме Мориясу ОК учун 26 кишилик якуний рўйхатни эълон қилди. Японларнинг "заявкаси"дан яқинда жароҳат олган "Брайтон" вингери Каору Митома ҳам ўрин олди. Бундан ташқари, Англия, Испания ва Франция чемпионатларини қиздираётган қатор ўйинчилар ҳам таркибда. ЖЧ-2022га борган Даичи Камада ("Лацио") эса бу сафар якуний қайдномадан тушиб қолган. "Селтик"нинг тўпурар ҳужумчиси Кйого Фурухаши эса худди ЖЧдаги каби таркибга киритилмаган.

Япония терма жамоасининг Осиё Кубоги учун якуний қайдномаси:

Дарвозабонлар: 1.Дая Маэкава ("Виссел Кобе"), 23.Зион Сузуки ("Сент-Труйден", Бельгия), 12.Таиши Брэндон Нозава ("ФК Токио").

Ҳимоячилар: 3.Шого Танигучи ("Ал Райян", Қатар), 4.Ко Итакура ("Боруссия М", Германия), 24.Цуйоси Ватанабе ("Гент", Бельгия), 19.Юта Накаяма ("Хаддерсфилд Таун", Англия), 15.Коки Мачида ("Юнион СГ", Бельгия), 16.Сеия Маикума ("Серезо Осака"), 22.Такехиро Томиясу ("Арсенал", Англия), 21.Хироки Ито ("Штутгарт", Германия), 2.Юкинари Сугавара ("АЗ Алкмар", Нидерландия).

Ярим ҳимоячи ва ҳужумчилар: 6.Ватару Эндо ("Ливерпуль", Англия), 18.Такума Асано ("Бохум", Германия), 5.Хидемаса Морита ("Спортинг", Португалия), 25.Даизен Маэда ("Селтик", Шотландия), 10.Рицу Доан ("Фрайбург", Германия), 13.Кеито Накамура, 14.Юня Ито (иккиси "Реймс", Франция), 20.Такефуса Кубо ("Реал Сосьедад", Испания), 8.Такуми Минамино ("Монако", Франция), 7.Каору Митома ("Брайтон", Англия), 17.Рео Хатате ("Селтик", Шотландия), 9.Аясе Уэда ("Фейеноорд", Нидерландия), 26.Каишу Сано ("Кашима Антлерс"), 11.Мао Хосоя ("Кашива Рейсол").

Осиё кубоги олдидан Япония терма жамоасида жиддий йўқотиш

Япония терма жамоаси ўзининг Осиё Кубогидаги дастлабки ўйини бошланишига 6 соат вақт қолгунга қадар юқоридаги таркибга ўзгартириш кирита олади (кутилмагандаги эҳтимолий жароҳат сабаб).

Ўз навбатида бош мураббий Хажиме Мориясу терма жамоа юлдузи Митоманинг жароҳати борасида тўхталиб ўтди: "Митома биринчи ўйинимизгача тикланиб улгурадими ёки йўқ, билмайман. Лекин, унинг тикланиш жараёни яхши кетмоқда ва мен унинг кутилганидан эртароқ сафимизга қайтишини кутяпман".

Маълумот учун, Япония терма жамоаси қитъа биринчиликларида энг кўп 4 марта чемпион бўлган (1992, 2000, 2004 ва 2011 йилларда). Фақатгина бир маротаба улар финалда мағлуб бўлишган. Ҳисоб бўйича сўнгги бўлиб турган Осиё Кубоги-2019 (БАА мезбонлик қилган) финалида "самурайлар"ни ўшанда ажойиб перформанс намойиш этган Қатар термаси 3:1 ҳисобида енгган.

Эслатиб ўтамиз, Осиё Кубоги 2024 йилнинг 12 январидан 10 февралига қадар Қатарда бўлиб ўтади.