Latest news

02:00ЖЧ саралаши. Италия Исроил дарвозасига 5та гол урди, Швеция кутилмаганда мағлубиятга учради  4 00:42CAFA Nations Cup-2025. Энг яхшилар аниқланди ва ғолибга соврин топширилди  21 00:30Муҳаммадрасул Абдумажидов Бельгия клубига ўтмайди  2 00:14Славен Билич Ўзбекистон терма жамоаси бош мураббийига айланиши мумкин  31 00:05Тимур Кападзе: "Эрон терма жамоаси қачон рози бўлган ўзи?"  96 23:00Қозоғистон Президенти Тоқаев: "Футбол клубларини хусусийлаштириш бўйича ишларни тезлаштириш керак. Бусиз футбол ривожланмайди"  4 21:50"CAFA Nations Cup-2025". Ўзбекистон терма жамоаси 13 йилдан сўнг Эронни ютди ва турнир ғолибига айланди  1027 20:32Шавкат Мирзиёев Жанни Инфантинога “Дўстлик” орденини топширди  17 20:26Португалиялик мураббий Озарбайжон терма жамоаси бош мураббийлигидан кетди  11 19:52CAFA Nations Cup турнирида сенсация! Ҳиндистон пенальтилар сериясига кўра Ўмондан устун келиб, 3-ўринни қўлга киритди!  16 19:13Гвардиола Абдуқодир Хусанов учун янги режа ишлаб чиқди  11 18:32ЎФА раҳбарияти Ўзбекистон МТЖга таклиф этишни хоҳламаган мураббий "Байер"ни бошқаради  11 18:04Амирҳуссайн Ҳуссайнзода: "Ҳакамлар Ўзбекистон фойдасига қарор қабул қилмоқда"  20 17:42Ахбор Имомхўжаев хотира турнири-2025. Мусобақа, жамоалар, гуруҳлар ва яшил майдонга қайтаётган юлдузлар  5 17:30Омид Нурафкан: "Ўзбекистонни икки-уч гол фарқи билан мағлуб эта оламиз"  10

2023 йил Биринчи лигада 17 та жамоа қатнашади. Клублар учун янги мусобақа ташкил этилади News

2023 йил Биринчи лигада 17 та жамоа қатнашади. Клублар учун янги мусобақа ташкил этилади

2023 йилги мавсумда Биринчи лигада 17 та жамоа иштирок этади.

Улардан фақатгина 1 тасида спорт принципи орқали Про лига йўлланмасини қўлга киритиш имконияти бўлади. Жамоаларга, шунингдек, лицензиялаш талабларини бажариш шартида Про лига эшиклари очилиши мумкин. Аввалроқ бундай имкониятдан “Андижон-SGS” ҳамда “Юниред” унумли фойдаланганди.

Биринчи лиганинг жорий мавсум учун географияси анча катта. Зеро мусобақада энг шарқий Андижондан ҳам, ғарбий Қорақалпоғистондан ҳам ва жанубий Сурхондарёдан ҳам жамоа мавжуд. Шунга қарамай, Лига барча жамоалар ўзаро тўқнаш келиши учун ҳаракат қилади. Унга кўра, Биринчи лигада бир даврали 17 та тур учрашувлари бўлиб ўтади. Мазкур ҳолатда ҳар бир жамоа 16 тадан ўйинда иштирок этади. Беллашувларнинг қай бири сафарда ва қайси бири уйда ўтиши масаласига қуръа ёрдамида аниқлик киритиб олинади.

17-тур якунида энг сўнгги ўринни банд этган жамоа мусобақа билан хайрлашади. 1-ўрин эгаси эса Про лигага ўтиш ўйинида иштирок этиш ҳуқуқини қўлга киритади.


Мана шу мусобақадан кейин Лига Биринчилик кубогини ташкил этади. Кубокда табиийки, Биринчи лига якунига кўра энг сўнгги ўринни банд этган жамоа иштирок этмайди. Қолган 16 жамоа эса икки саватга ажратилади. Яъни, Биринчи лигада дастлабки саккиз ўринни эгаллаган жамоалар биринчи саватдан жой олади, кейинги саккизлик автоматик равишда иккинчи саватда бўлади.

Қуръа ёрдамида мазкур 16 жамоа саккиз жуфтликка ажратиб олинади. Бунда бир сават жамоалари ўзаро тўқнаш келмайди. Шу тариқа 1/8 финал доирасида жамоалар уй-сафар ўйинида иштирок этади. Бунда сафарда урилган голлар қийматга эга бўлмайди. Ҳар икки ўйин натижасига кўра ҳисоб тенг бўлса, навбат дарҳол пенальтилар сериясига берилади.

1/4 ва 1/2 финал босқичлари учун ҳам алоҳида қуръа ташланади. Бунда жамоалар саватларга ажратилмайди. Мазкур босқичларда ҳам ўйинлар уй-сафар тизимида ва юқорида қайд этилган кўринишда бўлиб ўтади. Якунда финал ўйинига пойтахт Тошкент мезбонлик қилади. Ғолиб эса Про лига йўлланмаси учун ўтиш ўйинида иштирок этиш ҳуқуқини қўлга киритади ҳамда пойтахт Тошкентда Биринчи лига ғолиби билан тўқнаш келади. Мана шу ўтиш ўйини ғолиби Про лига чиптасини қўлга киритади. Агар Биринчи лигада ҳам, Биринчилик кубогида ҳам битта жамоа зафар қучса, у ҳолда ўтиш ўйини бекор қилинади.

Шу тариқа Биринчи лигада 17-ўринни эгаллаган жамоа мавсум давомида 16 та ўйинда иштирок этади. Биринчилик кубогини 1/8 финалда тарк этган саккиз жамоа мавсум давомида 18 та ўйин ўтказган ҳисобланади. Мос равишда 1/4 финалда мусобақани тарк этган тўрт жамоада ўйинлар сони 20 тани, 1/2 финал иштирокчиларида эса 22 тани ташкил қилади. Финал ҳамда ўтиш ўйини иштирокчилари мавсум давомида 24 та беллашувда майдонга тушади.

Биринчи лига мусобақасига тез орада қуръа ташланади ҳамда мусобақа тақвими Лига томонидан алоҳида эълон қилинади.

Rating: -7   

Comments

championat.asia
< show latest news
Яндекс.Метрика