Расман: Икром Алибоев фаолиятини Жанубий Корея клубида давом эттиради

"Пахтакор" футбол мактаби тарбияланувчиси саналган Икром Алибоев 2022 йилги мавсум жамоа билан Суперлигада ғолиб чиқди. 

Жанубий Кореянинг "Канвон" клуби юртимизда мавсум якунига етгач, Алибоевни ўз таркибига қўшиб олиш истаги ҳақида маълум қилди. Клублар ўртасидаги музокаралардан сўнг Икром фаолиятини "Канвон" сафида давом эттирадиган бўлди. У мазкур жамоага трансфер қилинди.

Аввалроқ Икром Алибоев Жанубий Корея клубига ўтаётгани ҳақида хабар берган эдик.

Эслатиб ўтамиз, "Канвон" бош мураббийи Чои Юнг Су ҳисобланади. У ўз вақтида "Сеул"да Алибоев билан бирга ишлаган.