Latest news

17:58"Андижон" ва "Навбаҳор" стадионларига томошабинларнинг киришига қисман тақиқ қўйилди, Бошкович, Алибоев ва Адҳамзодага жарима солинди  1 17:39Суперлига. "Бунёдкор" — ОКМК. Асосий таркиблар маълум  0 17:10Хуммельс Италия ва Германиядаги футбол услубини солиштирди  1 16:42Аббос Файзуллаев ўйинидаги пасайиш юзасидан тушунтириш берди  6 16:15Санчонинг "Челси"даги тақдири маълум бўлди  0 15:53Ўзбекистоннинг энг кучли кўча футболи жамоаси аниқланди. Бу жамоа энди Австрияга боради  0 15:37"Фантастик жамоа". Пеп Гвардиола "Ливерпул"ни чемпионлик билан табриклади  2 15:10Ғузордаги стадионга катта футбол қайтади  1 14:46Ўзбекистон Кубоги 2-тур учрашувларида ишловчи ҳакамлар маълум  0 14:26Арне Слот дебют мавсумидаёқ "Ливерпуль" билан АПЛни ютди. Яна кимлар бундай натижага эришган?  5 14:02"Пахтакор" бир киши кам қолган ва "Шўртан"ни кичик ҳисобда ютган ўйиндан ГАЛЕРЕЯ  0 13:45"Навбаҳор" "Бухоро"ни йирик ҳисобда енгган учрашувдан ГАЛЕРЕЯ  1 13:30U-20 Осиё Кубоги саралаш босқичига қуръа ташланди: Ўзбекистон Иордания ва Баҳрайн билан бир гуруҳда  0 13:01Игорь Сергеев: "20 та гол уриш керак бўлса-ю, вазифани бажариб, диванга ёнбошлаб олиш мумкин, бироқ..."  5 12:49Сергей Лушчан: "Жиянов ва Одиловда имтиҳон бор, Аҳмедовда жароҳат"  3

Бахтиёр Ашурматов: "Аҳил жамоа туза олдик" News

Бахтиёр Ашурматов: "Аҳил жамоа туза олдик"

Coca Cola Суперлигаси 8-тури доирасида АГМКдан учралган мағлубиятдан кейин "Қўқон-1912" бош мураббийи Бахтиёр Ашурматов ўз фикрларини билдириб ўтди.

- Кайфиятим яхши эмас. Чунки биринчи бўлимни ёмон ўтказмадик. Иккинчи таймни ҳам унчалик ёмон бошламагандик. Лекин Санжар Турсунов ушбу мавсумни безайдиган гол муаллифига айланди ва бу гол ўйин тақдирини ҳал қилди деб ўйлайман. Охиригача курашишгани учун йигитларга ҳам миннатдорлик билдираман. Ҳеч бўлмаса дуранг учун ўйнашди, афсуски биздан омад юз ўгирди. 

- "Қўқон-1912" яхши старт олди. Гарчи бугун мағлуб этилган бўлса-да, жамоа турнир жадвалида юқори ўринлар учун курашмоқда. Умуман олганда қисқа давр мобайнида шундай рақобатбардош жамоа тузиш қанчалик даражада қийин бўлди?
- Биз аҳил жамоа туза олдик. Бугун ўйиндан олдин кийиниш хонасида йигитларга уйдаги ғалабалар билан юқори марраларга эришиш қийинлигини айтгандим. Тўғри, ҳозирда турнир жадвалида юқори ўринлардамиз, лекин бизнинг асосий рақобатчимиз бўлган АГМКга мағлуб бўлдик. Агарда чемпионатда юқори поғоналар учун курашмоқчи бўлсак, шундай ўйинларда ютишимиз керак бўлади. Бугун ҳам ёмон ўйнамадик. Яхши ўйин билан бир қаторда натижани ҳам яхшилаб кетишимиз керак. Шу орқали биз мавсум якунида юқори ўринларда бўламиз. Умуман олганда йигитларнинг психологиясини ўзгартиришга муваффақ бўлдик. Сўнгги йилларда "Қўқон-1912" жамоаси, афсуски, Суперлигадан тушиб кетмаслик мақсадида курашаётганди. Футболчиларда ишонч юқорилиги боис, Ўзбекистоннинг энг кучли жамоаларидан бири, таркиби ҳам, захираси ҳам кучли юқори савияли футболчилардан ташкил топган АГМКга 0:2 ҳисобида имкониятни бой бераётган пайтда ҳам синиб қолмадик. Мавсум якунида юқори ўринларда бўлишни жуда ҳам истаймиз. Бунинг учун ҳозирги олган стартимизни сақлаб қолишимиз керак бўлади. Меҳмондаги ўйинларда ҳам нафақат дуранг, балки ғалаба учун ҳам курашишимиз керак бўлади.

- Бугун марказда Иқбол Маликжонов ўйнади, Рўзиевни эса бироз ўнгроққа сурдингиз. Негадир бугун Қувондиқ ўзини яхши ҳис қилмагандек кўринди.
- Гапни очиғи, АГМКнинг ўйинларини кўриб чиққанимизда, таркибда Баҳром Абдураҳимов, Санжур Турсунов, Эркин Бойдуллаев каби футболчилар марказда ҳаракат қилаётганди. Шу боисдан биз таянч ярим ҳимоямизни кучайтириш мақсадида Иқбол Маликжоновни таркибга киритишга қарор қилдик. Иқбол ҳам ёмон ўйнамади. Умуман олганда танлаган таркибимиз ўзини оқламади дейишдан йироқман. Чунки жамоа ёмон ўйин кўрсатмади. Балки бундан-да яхшироқ ўйнаш мумкиндир. Ўтган мавсумда Қувондиқ кўплаб учрашувларни ўнг қанот ярим ҳимоясида ўтказган. Юқорида айтиб ўтганимдек, бугунги ўйин тақдирини иккинчи гол ҳал қилди.

- "Қўқон-1912"нинг олдига аниқ бир мақсад қўйилганми ёки жамоа юқори ўринлар учун курашадими?
- Раҳбарият билан гаплашганимизда аввалига ўтган йиллар давомида бўлаётган муваффақиятсизликларни енгиб ўтиб, таркибни босқичма-босқич шакллантириб бориш ва кейинчалик юқори ўринлар учун курашишимизни айтишганди. Сўнгра Осиё чемпионлар лигаси йўлланмаси учун рақобатбардош жамоа тузмоқчимиз. Жамоада рақобатни ошириш учун шунга яраша кучли футболчилар бўлиши керак ва шу боисдан босқичма-босқич бунга эриша оламиз. Жамоани қабул қилиб олганимда менга 3-ўринни олиш ёки ОЧЛга чиқиш каби конкрет вазифа қўйилмаган. Асосийси шундаки, биз "Қўқон-1912"ни юқори ўринлар учун кураша оладиган рақобатбардош жамоа қилишни келишиб олгандик. Балки бунга эришаётгандирмиз. Тўғри, энди 8 тур ўтди. Аммо кўриниб турибдики, жамоамиз қуйи ўринлар учун курашмайди. Ҳозир биринчи давра тугаб, трансферлар ойнаси очилишини кутяпман. Чунки ҳозирда айрим камчиликларимиз бор. Шуларни тўлдириб, рақобатни кучайтириб, турнир жадвалида юқори поғоналарда бўлиш учун курашишни истаймиз. Футболчиларимнинг салоҳияти, маҳорати билан биз ушбу мавсумнинг ўзидаёқ тепадаги ўринлардан бирини эгалламоқчимиз.

Rating: +3   

Comments

championat.asia
< show latest news
Яндекс.Метрика