"Навбаҳор" "Насаф"дан 500 миллион дея баҳоланаётган футболчининг трансферини сотиб олади

«Навбаҳор»га «Насаф»нинг икки футболчиси ўтади. Ислом Рашидхонов трансфер қилинадиган бўлса, Хуршид Мухторов эркин агент сифатида ўтади.

Айни пайтда икки клуб Рашидхоновнинг трансфер пули бўйича якуний музокара ўтказмоқда. «Насаф» Ислом Рашидхонов учун 500 миллион сўраётган бўлса, «Навбаҳор» асли наманганлик футболчи учун 200 миллион таклиф қилмоқда.

Томонлар катта эҳтимол 300-400 миллион атрофида келишувга эришса керак", - деб хабар беради сайтимиз ижодкори Шаҳбоз Беғамов.

Эслатиб ўтамиз, ўтган мавсум якунига қадар "Навбаҳор" Қаршининг "Насаф" жамоаси футболчилари Ислом Кенжабоев, Дилшод Саитов ҳамда Ислом Рашидхонов трансферлари бўйича сўров юборгани ҳақида маълум қилгандик.