Превью. “Динамо” – “Насаф”

“Аждарлар” Суперлига 1-турини Самарқанднинг “Динамо” жамоасига қарши майдонга чиқишади.

Ён қўшнилар саналмиш Самарқанд ва Қарши шаҳри жамоалари ўртасидаги ҳар бир учрашув қизиқарли ва кутилмаган натижаларга бой бўлган. Шунингдек “Динамо” жамоаси “Насаф” учун доимо ноқулай рақиб бўлиб келган.

Самарқанд жамоаси бир йиллик танаффусдан сўнг яна Суперлигага қайтди. Эслатиб ўтамиз “Динамо” жамоаси Про-лигада иштирок этган эди.

Мана орадан бир йил ўтиб, мазкур жамоалар яна Суперлигада туқнаш келишмоқда. “Динамо” – “Насаф” учрашуви 9 март шанба куни “Динамо” стадионида бўлиб ўтади. Учрашув соат 16:00да бошланади.

Ўзаро учрашувлар тарихидан
Мазкур клублар олий лигада шу кунгача 38 бор куч синашишган. Натижалар "Насаф"нинг устунлигини кўрсатмоқда. Бўлиб ўтган 20 учрашувда “Насаф”, 7 ўйинда эса “Динамо” ғалабага эришган. 11 учрашувда дуранг натижаси қайд этилган.

Тўплар нисбати 35:55га тенг. Устунлик “Насаф” тарафида.

Ўзаро учрашувларда қайд этилган энг юқори ҳисоблар қуйидагича: “Насаф” – “Динамо” 5:0, “Динамо” – “Насаф” 4:0.

"Насаф" сўнгги ўзаро учрашувни 2017 йил 20 октябрда Қаршида ўтказган. Бу учрашув 3:0 ҳисобида якунланган. 2018 йилги мавсумда “Динамо” Суперлигада иштирок этмаган.

Самарқанддаги ўзаро баҳсларга оид
Ушбу жамоалар шу пайтгача Самарқандда 18 бор куч синашишган. Учрашувларнинг олтитасида "Насаф" ғалаба қозонган. Беш учрашувда самарқандликларнинг қўли баланд келган. Қолган етти учрашувда кучлар тенг келган. Дарвозаларга жами 39та тўп киритилган. Тўплар нисбатида ҳам кичик устунлик “Насаф” томонида 19:20.

Самарқандда бўлиб ўтган ўзаро учрашувларда сўнгги бор, 2008 йили “Динамо” 3:0 ҳисобида ғалабага эришган. “Насаф” сўнгги бор, Самарқандда 2014 йили ғалаба қозонган. Бу учрашувда “аждарлар” рақиблари дарвозасига бешта жавобсиз тўп йўллашган.

Эътиборингизга, Самарқандда бўлиб ўтган сўнгги беш учрашувнинг натижаларини ҳавола қиламиз.

13.05.2017 «Динамо» - «Насаф» 1:1
31.10.2015 «Динамо» - «Насаф» 1:1
03.08.2014 «Динамо» - «Насаф» 0:5
17.08.2013 «Динамо» - «Насаф» 1:3
15.03.2012 «Динамо» - «Насаф» 0:2

Dinamo Amirjon Safarov - 51'

Superliga. Round 1 09/03/2019, 16:00 1 : 1 Finished

Nasaf Dilshod Saitov - 12'

45'

90'

51'  Amirjon Safarov

51'  Sardor Eminov

62'  Shohruh Eshbutaev (Botirali Ergashev)

66'  Damir Temirov (Jasur Azimov)

77'  Amirjon Safarov (Vohid Shodiev)

82'  Hakimjon Alamxonov

12'  Dilshod Saitov

12'  Hurshidbek Mukhtarov

71'  Ойбек Бозоров (Bobir Abdikholikov)

79'  Акмал Мозговой (Islom Kenjaboyev)

90'  Islom Rashidkhanov (Doniyor Narzullaev)

Open in Match Center