2021 йилги Ўзбекистон Кубоги финалини қабул қилиш учун 5та клуб ариза юборди

"АГМК, "Бунёдкор", "Пахтакор", "Локомотив" ва "Сурхон" футбол клублари Ўзбекистон Coca-Cola кубоги-2021 финалига мезбонлик қилиш бўйича ариза топширди.

Мусобақага қуръа ташлаш 18 март куни бўлиб ўтади.

Сўнгги икки катта футбол матчимизга Наманган ҳамда Самарқанд мезбонлик қилди. Бири қуръада ғолиб чиқди, иккинчисига ўзимиз ташаббус билан чиқдик.

2021 йилги Ўзбекистон Coca-Cola кубогининг финал учрашувига мезбонлик қилиш истагида бўлганлардан 14 мартга қадар аризалар қабул қилинди. Афсуски, биз кутганимиз "Насаф", "Истиқлол", "Навбаҳор" стадионларидан таклиф келиб тушмади. Барчаси очиқ бўлиши учун каналимизда бу ҳақда ёзиб бордик. Умид қиламизки, бу борада футбол мухлислари бизни тўғри тушунишади", - деб ёзади Диёр Имомхўжаев телеграмдаги каналида.

Эслатиб ўтамиз, 2020 йилги мамлакат кубоги финали Наманган шаҳридаги "Марказий" стадионда бўлиб ўтганди. Унда "Пахтакор" АГМК устидан 3:0 ҳисобида ғалабага эришган.