2010 йилдан бери “Боруссия Д”да ўйнаётган ҳимоячи мавсум охирида бутсасини михга илади

“Боруссия” ҳимоячиси Лукаш Пишек жорий мавсум тугагандан кейин футболчилик фаолиятини якунлайди.

Польшалик ўтган йили бу ишни амалга оширмоқчи эди, аммо жамоа билан шартномасини яна бир мавсумга узайтирганди.

Июнда Пишек 36 ёшни қарши олади ва у ватанига қайтиб, отаси вице-президент бўлган “Гочалковице”да ишини давом эттирмоқчи. Футболчи 2019 йилда клуб қошида академия очган.

Лукаш Пишек Польша термаси сафида 66 ўйинда қатнашиб, учта гол урган. У 2010 йилдан буён “Боруссия Д” шарафини ҳимоя қилаётган эди.