Эвребё: "Челси" - "Барса" учрашувидаги хатоларимни унутдим ва бахтли яшаяпман"
18 feb 2018 15:41
News

Эвребё: "Челси" - "Барса" учрашувидаги хатоларимни унутдим ва бахтли яшаяпман"

Норвегиялик ҳакам Том Хеннинг Эвребё "Челси" ва "Барселона" ўртасидаги Чемпионлар лигаси 1/8 финал учрашувидан олдин ушбу жамоалар ўртасида кечган 2009 йилдаги можароли ўйин ҳақида эслади.

Рефери ўша баҳсда испан клуби фойдасига бир нечта хатога йўл қўйган эди.

"Ўша кун мен учун энг яхшиларидан бири бўлмаган. Аммо ҳакамлар бундай хатоларга йўл қўйиб туради. Футболчи ва мураббийлар ҳам хато қилади. Ўша кун билан мақтанмайман. Бир нечта хатога йўл қўйдим ва булар ҳақида ҳамманинг ўзи фикри бор. Қайтараман, мураббий ва футболчилар ҳам хато қилишади, бироқ улар билан ҳеч нарса юз бермайди. Ўйиндан сўнг ҳеч бир футболчи билан суҳбатлашганим йўқ. "Челси" мухлислари менга ўлим билан таҳдид қилишган. 2012 йилгача вазият юмшамаган, аммо ҳозир ҳаммаси ортда қолди.

Ушбу интервьюдан сўнг баъзи мухлислар яна мени эслашлари аниқ. Бироқ бундан ҳавотирланмайман. Одамлар ўзи истаганидек яшашлари мумкин. Ослода оилам ва дўстларим билан бахтли ҳаёт кечиряпман. Хатоларимни унутдим" - дейди Эвребё.

Link :

Source : Marca

Receive latest football news directly on your phone. Subscribe for our Telegram channel!

Rating: +32