Роналду Месси ва Неймар ундан кўп маош олаётганини ҳазм қилолмаяпти
18 dec 2017 10:56
News

Роналду Месси ва Неймар ундан кўп маош олаётганини ҳазм қилолмаяпти

"Реал" ҳужумчиси Криштиану Роналду дунёнинг энг кўп маош олувчи футболчисига айланмоқчи ва "Қироллик клуби" президенти Флорентино Пересга ўз талабларини эълон қилмоқчи.

Маълумотларга кўра, Португалия терма жамоаси футболчиси Лионель Месси ва Неймар ундан кўп маош олаётганини ҳазм қилолмаяпти. Месси Каталония клуби билан шартномасини узайтирганидан сўнг, унинг йиллик маоши 50 млн. евро бўлди. Роналдунинг фикрича, унинг фаолиятидаги бешинчи "Олтин тўп" каттароқ даромадга имкон беради.

Роналду ва "Реал" ўртасидаги битим 2021 йилнинг ёзида якунига етади. Демак, форвард 36 ёшигача "қаймоқранглилар" шарафини ҳимоя қилади. ОАВнинг маълум қилишича, Роналду сўнгги маротаба янги шартномага имзо чекканидан кейин жуда катта даромад топмоқда, аммо португалиялик бундан қониқмаяпти. У камида Месси каби маош олмоқчи.

Link :

Source : Marca

Receive latest football news directly on your phone. Subscribe for our Telegram channel!

Rating: -26