Олий лига-2017. "Навбаҳор" дарвозасига энг кўп пенальти тепилди
27 nov 2017 09:05
News

Олий лига-2017. "Навбаҳор" дарвозасига энг кўп пенальти тепилди

Куни кеча 2017 йилги олий лига баҳслари ўз якунига етди.

Мавсум давомида ҳакамлар дарвозалар томон 71 марта пенальти белгилашди. Футболчилар 53 марта "нуқта"дан гол уришди. Пенальтини аниқ амалга ошириш кўрсаткичи 74 фоизга тенг бўлди.

Ҳакамлар "Навбаҳор" дарвозасига энг кўп - 9 марта пенальти белгилашди ва рақиблар 8 бор гол уришди.

Кейинги ўринларда "Сўғдиёна" ва "Шўртан" клублари қайд этилишди - 7тадан пенальти.

Дарвозаси томон энг кам пенальти белгиланган жамоалар - "Нефтчи" ва "Пахтакор". Ушбу клублар дарвозасига мавсум давомида икки мартадан 11 метрли жарима тўпи белгиланди.

"Насаф" дарвозабонлари пенальти қайтариш бўйича пешқадам бўлишди. Қаршиликлар дарвозасига белгиланган 5та пенальтидан атига 2таси голга айланди холос.