ОЧЛ-2016. "Чонбук Моторс" - биринчи чорак финалчи (ВИДЕО)
24 may 2016 18:18
News

ОЧЛ-2016. "Чонбук Моторс" - биринчи чорак финалчи (ВИДЕО)

Осиё чемпионлар лигаси 1/8 финалидан ўрин олган дастлабки жавоб учрашуви якунланди.

Жанубий Кореяда "Чонбук Моторс" клуби Австралиянинг "Мельбурн Виктори" клубини қабул қилди. Бир ҳафта аввал "яшил қитъа"да бўлиб ўтган учрашувда томонлар 1:1 ҳисобида дуранг ўйнашганди.

Бугунги учрашув мезбонлар вакили Леонардонинг бенефисига айланди. Бразилиялик футболчи иккала бўлимда рақиб дарвозасига биттадан гол урди. Бунга "Мельбурн" сафида Бериша бир марта жавоб берди - 2:1. Қизиғи дастлабки учрашувда иккала жамоа таркибида айнан мана шу икки футболчи тўп киритган эди.

Шундай қилиб "Чонбук Моторс" бу мавсумда чорак финалга чиққан дастлабки клубга айланди.

ОЧЛ-2016. Жавоб учрашуви
"Чонбук Моторс" - "Мельбурн Виктори" 2:1
Голлар: Леонардо 28, 71 - Бесарт Бериша 84
Дастлабки ўйин - 1:1