Зидан: “Барчаси бизга қарши ишлади: учта пеналти, автогол... Аммо барча жавобгарликни бўйнимга оламан”
09 nov 2020 08:30
News

Зидан: “Барчаси бизга қарши ишлади: учта пеналти, автогол... Аммо барча жавобгарликни бўйнимга оламан”

“Реал” бош мураббийи Зинедин Зидан Ла Лига 9-турида “Валенсия”дан (1:4) учралган мағлубиятга изоҳ бериб ўтди.

“Ҳа, бу оғриқли мағлубият. Чунки биз учрашувни яхши бошлагандик. Биринчи ярим соатда кутилган ўйинни кўрсата олдик, гол урдик. Аммо жавоб голидан кейин нима содир бўлиши керак бўлса, ҳаммаси рўй берди.

Дарвозамизга белгиланган учта пеналти ҳақида гапирадиган бўлсам, ҳакам буларни барчасини кузатиб бориши керак эди. Биз уч марта пеналтидан гол ўтказдик ва яна камига ўзимизга ўзимиз гол урдик. Барчаси бизга қарши бўлди ва бу бир ўйин учун кўплик қилади.

Бу мағлубият учун мураббий сифатида барча айбни бўйнимга оламан, чунки вазиятдан чиқиш йўлларини излаш вазифам ҳисобланади. Ҳисоб тенглашгач, ўйин тубдан ўзгариб кетди. Бундай ҳолат биз билан биринчи марта содир бўлмаяпти ва бу менга ёқмаяпти”, деди Зидан.

Link :

Source : AS

Receive latest football news directly on your phone. Subscribe for our Telegram channel!

Rating: +11