Заиф эшитувчилар ўртасидаги 4-Осиё чемпионати. Ўзбекистон 7-ўринни эгаллади

Муроджон Аҳмедов бошчилигидаги Ўзбекистон терма жамоаси мусобақанинг “А” гуруҳида Жанубий Корея, Малайзия, Япония терма жамоалари билан бир гуруҳдан жой олганди.

Вакилларимиз гуруҳдаги ўйинлдарда қуйидаги натижалар қайд этишди:

Ўзбекистон – Япония 0:2

Малайзия – Ўзбекистон 4:2

Жанубий Корея – Ўзбекистон 5:0

Мусобақа форматига кўра иккита гуруҳдаги 9та жамоа ичида дастлабки 5та ўринни эгаллаган жамоалар Жаҳон чемпионати йўлланмасини қўлга киритишади.

Вакилларимиз 4 май куни "В" гуруҳидаги Саудия Арабистони терма жамоасига қарши баҳс олиб боришди ва 2:1 ҳисобида мағлубиятга учрашди. Натижада Жаҳон чемпионатига йўлланма берувчи 1-5 ўринлар учун курашиш имкониятини йўққа чиқаришди.  

7-8 ўрин учун кечган ўйинда Ўзбекистон терма жамоаси Уммонни 7:2 ҳисобида мағлубиятга учратди.  Шу тариқа вакилларимиз Осиё чемпионатида 7-ўрин билан кифояланишди.