Юрген Клопп: "Фақат ПСЖ ва "Сити" ҳар йили 200 млн. фунт сарфлаши мумкин"
18 jul 2019 19:45
News

Юрген Клопп: "Фақат ПСЖ ва "Сити" ҳар йили 200 млн. фунт сарфлаши мумкин"

"Ливерпул" бош мураббийи Юрген Клопп ушбу ёзда мерсисайдликлардан шов-шувли трансфер кутмасликни маълум қилди.

"Аввал айтганимдек, бу йил "Ливерпуль" учун катта трансферлар ойнаси бўлмайди. Охирги 2 йилда жамоа учун улкан сармоя киритдик. Ҳар йили бу ишни амалга ошира олмаймиз.
Одамлар айтишмоқда: "Энди навбатдаги 200-300 млн. фунтни сарфлаш керак". Лекин, дунёда бундай суммаларни ҳар йили сарфлай оладиган икки клуб бор. Ҳа, тўғри топдингиз, гап ПСЖ ва "Манчестер Сити" ҳақида кетмоқда. Айни вақтда "Барселона" ва "Реал" ҳам бундай пулларни сарфлашга қурби етади.
Бизда ҳаммаси жойида. Бирорта позицияга ўйинчи олишимиз мумкин. Аммо, ҳозир бунга зарурат бўлмаяпти. Наби Кейта ва Жердан Шакирини ҳам унутмаслигимиз керак. Улар жароҳатдан тузалиб қайтишади", - дейди Клопп.