Ёш спортчилар "Насаф" қароргоҳига ташриф буюришди ва Бобур Абдухолиқов билан суҳбатлашишди

Спортчи ўқувчиларга "Насаф" бош мураббийи Рўзиқул Бердиев ва катта мураббийси Шухрат Тошпўлатовлар ёш футболчиларга келажакда яхши футболчи бўлиши учун тинимсиз меҳнат, ўз устида кўпроқ ишлаш, тартиб-интизомга риоя қилиш, олдига қўйилган мақсадга фақат ўз меҳнати билан эришиш ҳақида тушунчалар беришди. Ҳозирда Ўзбекистонда болалар ва ўсмирлар футболига алоҳида эътибор берилиб, барча шарт-шароитлар яратилган. Бу берилган имкониятлардан унумли фойдаланишлари ҳақида таъкидлаб ўтишди. Ёш футболчилар "Насаф" ўқув-машғулотлар базасида футболчиларга яратилган шарт-шароитлар билан танишиб чиқишди. 

"Насаф" жамоасининг собиқ ҳужумчиси, Ўзбекистон миллий терма жамоасининг ҳужумчиси ва ҳозирги вақтда Белоруссиянинг "Энергетик-БГУ" ҳужумчиси Бобур Aбдухолиқов, Ўзбекистон миллий терма жамоаси ва "Насаф" дарвозабони Aбдувоҳид Неъматов, ҳимоячи Жўрабек Маннонов, дарвозабон Aзамат Сойибов ва ярим ҳимоячи Шароф Муҳиддиновлар билан футболчилик фаолияти ҳақида дилдан суҳбатлашишди. Ёш футболчилар "Насаф" марказий ўйингоҳидаги "Насаф" музейини кўздан кечиришди.