Янги мавсумга ҳакамларимиз ҳам худди футболчилардек тайёргарлик кўриши шарт!

Тажрибали собиқ ҳакам билан гаплашганимда бир гапни айтди: "Ҳар бир футбол клуби янги мавсумга тахминан 2-3 ой давомида тайёргарлик кўради, керак бўлса чет элга бориб ўртоқлик ўйинлари ўтказади, тренажер заллари, бассейн, сауна ва тикланиш жараёнлари ҳам ўтказилади. Ҳакамларимизчи? Аслида ҳакамлар ҳам худди футболчилар сингари чемпионатга тайёргарлик кўришлари зарур! Улар ҳам йиғин ўтказишлари, майдонда шуғулланишлари ва тикланишлари шарт".

Ўйлаб қолдим, сўнгги пайтларда футбол учрашувларида ҳакамлар ўз хатолари орқали биринчи планга чиқиб қолишмоқда. Лекин уларнинг тайёргарлиги учун ЎФА ва ЎзФҲМ томонидан етарли шароитлар яратилганми? Улар ҳам футболчилардек янги мавсумга тайёргарлик кўришяптими деган савол барчамизни ўйлантириши зарур. Қайсидир йили ҳакамларимиз учун Туркияда махсус ўқув-машғулот йиғини ташкил этилганди. Шундан кейин бундай нарса бўлганини эслай олмадим. Ҳакамларимиз камроқ хато қилишини истасак уларга ҳам жиддийроқ эътибор қаратишимиз керак деб ўйлайман.