"Хотира-79" бир ўйинда 8та гол ўтказиш анъанасини давом эттирди

Уйчи туманининг "Хотира-79" клуби 32та ўйинда ўз дарвозасидан 83та гол ўтказди. Бу ПРО-лиганинг иккала гуруҳини қўшганда ҳам мавсум антирекорди ҳисобланади.

Бундан ташқари жамоа икки марта сафар учрашувида техник мағлубият қабул қилиб олди.

Жамоа 2015 ва 2017 йилларда икки мартадан 8та гол ўтказиб мағлуб бўлганди. Қизиғи бу йил ҳам "Хотира-79" ушбу "план"ни бажарганини кўришимиз мумкин.

Ушбу клуб ўтган мавсум Биринчи лигада 105та гол ўтказиб юборган ва антирекорд соҳиби бўлганди.


2015 йил
"Цементчи" - "Хотира-79" 8:1
"Обод" - "Хотира-79" 8:0

2017 йил
"Жайхун" - "Хотира-79" 8:2
"Цементчи" - "Хотира-79" 8:0

2018 йил
"Зомин" - "Хотира-79" 8:0
"Шердор" - "Хотира-79" 8:2