Хосе Мария Мендез: "Мўғулистонни енгиб ярим финалга чиқмоқчимиз"
22 may 2017 09:32
News

Хосе Мария Мендез: "Мўғулистонни енгиб ярим финалга чиқмоқчимиз"

Таиландда давом этаётган футзал бўйича U-20 Осиё чемпионатида бугун чорак финаб баҳслари старт олади.

Ўзбекистон ёшлар терма жамоаси Мўғулистонга қарши ўйнайди. Учрашувдан олдин Хосе Мария Мендез ўз фикрларини билдирди.

"Биз мусобақага қадар Мўғулистон ҳақида кўп нарса билмасдик. Аммо уларнинг ўйинларини кўргач таркибда маҳоратли футзалчилар борлигига амин бўлдик. Мўғулистоннинг Хитойга қарши баҳси айниқса яхши бўлди.

Акбар Усмонов мусобақада 7та гол урди, аммо бизда аниқ бир етакчи йўқ. Биз жамоавий тарзда кучлимиз. Мўғулистонни енгиб ярим финалга чиқмоқчимиз. Ярим финалга чиқиш учун иккала жамоада имконият бор. Ўз услубимизда ўйнаб ғалаба қозонишга уринамиз", - дейди Хосе Мария Мендез.

Эслатиб ўтамиз, Ўзбекистон - Мўғулистон учрашуви бугун, 22 май куни Тошкент вақти билан соат 17:00да бошланади.