Хоразм вилояти кубоги. Финалчилар маълум
14 aug 2014 08:40
News

Хоразм вилояти кубоги. Финалчилар маълум

2014 йилги Хоразм вилояти кубогининг дастлабки учрашуви бўлиб ўтганлиги ҳақида хабар бергандик.

Ушбу ўйинда “Урганч ОЗК-2” футболчилари “Динамо” жамоаси устидан пенальтилар бўйича 4:2 ҳисобида ғалаба қозониб, финал йўлланмасини қўлга киритишганди.

Кеча, ярим финалнинг иккинчи ўйини бўлиб ўтди. Унда урганчнинг “Олимпия” ва Янгибозор туманининг “Янгибозор” жамоалари ўзаро куч синашишди. Ўйиннинг асосий вақтида ҳисоб очилмади. Қўшимча бўлимда вилоят маркази футболчилари рақиблари дарвозасини бир марта ишғол қилишни уддасидан чиқишди. Ушбу киритилган тўп “Олимпия”га 1:0 ҳисобидаги ғалабани тақдим этди.

Шундай қилиб, Хоразм вилояти кубогининг финал учрашувида “Урганч ОЗК-2” ва “Олимпия” жамоалари майдонга тушадиган бўлишди.

Икром ХУДОЙБЕРГАНОВ.

Link :

Source : championat.asia

Receive latest football news directly on your phone. Subscribe for our Telegram channel!

Rating: