Latest news

01:56А Серия. "Милан", "Ювентус" ва "Наполи" ишончли ғалабага эришди, "Аталанта" эса ўз уйида "Лечче"ни енга олмади  3 01:20Рўзиқул Бердиев: "Ҳужумкор ўйин намойиш этиб, чиройли ғалабага эришдик"  0 00:24Элит ОЧЛ. "Кавасаки Фронтале" қўшимча бўлимларда "Ал Садд"ни мағлуб этиб, Саудия Арабистони жамоаларидан иборат бўлган ярим финал босқичига йўл олди  9 23:54Гвардиола яна Англия Кубоги тўпини танқид қилди: "Иккала жамоага ҳам уни назорат қилиш қийин бўлди. У жуда тез"  0 23:12Педру Морейра: "Ҳозирги вақтда бизга фақатгина очколар сони муҳим"  1 23:06РПЛ. "Рубин" Руслан Безруковнинг дубли эвазига иккинчи бўлимда ўн киши бўлиб қолган "Факел"ни мағлуб этди, Ашурматов захирада қолдирилди  0 23:01Туркия Суперлигаси. "Ризеспор" меҳмонда минимал ҳисобда имкониятни бой берди, Алиқулов тўлиқ ўйнади  2 22:56Озарбайжон чемпионати. "Сабаҳ" ўз уйида "Қорабоғ" билан дуранг ўйнади, Раҳмоналиев захирада қолдирилди  0 22:40Суперлига. "Насаф" ва "Навбаҳор" йирик ҳисобда ғалаба қозонди, "Шўртан" эса 10 киши бўлиб қолган "Пахтакор"га гол ура олмади  0 22:30Англия кубоги. "Манчестер Сити" "Ноттингем Форест"ни мағлуб этиб, финалга йўл олди. Бош соврин учун рақиб — "Кристал Пэлас"  39 22:24"Ливерпуль" — АПЛ чемпиони!  34 22:10Суперлига. "Насаф" "Қизилқум"ни йирик ҳисобда мағлуб этди ва мусобақа жадвалининг 1-ўрнига кўтарилиб олди  22 21:51Григорий Колосовский: "Олимпик-Mobiuz" қандай футбол ўйнаш кераклигини кўрсатиб қўйди"  0 21:40Анвар Бердиев: "Футболчиларимизда ўзига бўлган ишонч етишмади"  0 21:21Фарҳод Нишонов "Локомотив"га қарши ўйиндан кейин: "Ғалабага ҳақли эдик, бошқа вазиятларимиздан фойдаланганимизда ҳисоб йириклашиб кетарди"   2

"Хоразм" Суперлигага тайёрми? Клуб спорт директори билан эксклюзив суҳбат News

"Хоразм" Суперлигага тайёрми? Клуб спорт директори билан эксклюзив суҳбат

"Металлург" футбол клубининг Суперлигада иштирок этиши ёки этмаслиги масаласи барчанинг диққат марказида.

Бекобод клуби бу ҳуқуқдан воз кечса, унинг ўрнини қайси жамоа эгаллаши мумкинлиги муҳокама мавзусига айланган. Биз бу мавзуга бевосита алоқадор ва спорт принципларига асосан Суперлигада қатнашиш учун асосий даъвогар бўлиб турган "Хоразм" футбол клуби спорт директори Хурсандбек Маткаримов билан суҳбатлашдик.  

Охирги хабарлар бўйича муносабатингизни билдирсангиз. "Металлург" Суперлигада қолмаслиги деярли аниқ, "Олимпик" ҳам чемпионатда қатнашиши даргумон. "Хоразм" клубининг бу борадаги позицияси қанақа?

– "Хоразм" профессионал футбол клуби ЎзПФЛ ҳамда "Металлург" футбол клуби қарор ва қарашларини ҳурмат қилган ҳолда, бу воқеаларни диққат билан кузатиб бормоқда. 

"Хоразм" жамоасининг позицияси – спорт принципларига тўлиқ риоя қилиш. Хоразмлик мухлисларнинг кўп йиллик нияти, қолаверса, Ўзбекистон Суперлигасида иштирок этиш учун имконият туғилса, бундан воз кечиш ёки унга интилмаслик нотўғри деб ўйлаймиз. Албатта, бу борада нима қилиш лозим бўлса, шунинг устида ишлашга тайёрмиз.

– "Хоразм"нинг бош ҳомийси "Uztelecom" АЖ жамоа Суперлигада иштирок этишини қанчалик хоҳлайди? Биласиз, олий лигада ўйнаш учун катта харажат қилиш талаб қилинади...

– "Хоразм" футбол клуби бош ҳомийси "Uztelecom" АЖнинг воҳа футболи ривожи йўлидаги хизматлари беқиёс ва "Хоразм" жамоасининг босқичма-босқич яхши даражага чиқиш режалари билан яқиндан таниш ҳамда доим қўллаб-қувватлайди.

– Жамоанинг 2024 йилдаги мақсади қанақа эди? 2025 йилда қандай мақсадни олдига қўйган?

– Жамоамизнинг 2024 йилдаги асосий мақсади клуб инфратузилмасини яхшилаш ва ОФК лицензиялаш талабларини тўлиқ бажариш эди. Шунингдек, имкон қадар Ўзбекистон Кубоги ва Про лига мусобақаларида муносиб иштирок этишни мақсад қилгандик. Ўзбекистон Кубогида чорак финалгача етиб бордик ва Про лигада 6-ўринни қўлга киритдик. Про лигада бундан юқорироқ ўринни эгаллашимиз ҳам мумкин эди. Умумий олганда, 2024 йил Хоразм футболи учун салмоқли бўлди деб айтсак бўлади.

2025 йилдаги мақсад олий. Бу хақда 10-15 кундан кейин яна тўлиқроқ гаплашсак тўғри бўлади.‌‌

– Бош мураббий Ҳаким Фузайлов жамоадаги фаолиятини давом эттирадими? Таркиб масаласида қандай янгиликлар бор? 

– Ҳаким Фузайлов билан амалдаги шартнома шу йил охиригача тузилган. Кейинги йил ҳам Фузайлов бошчилигидаги мураббийлар штаби "Хоразм" футбол клубида фаолият олиб бориши учун музокаралар давом этмоқда. Таркиб масаласига тўхталсак, жамоага ёш иқтидорли футболчилар билан бирга Суперлига ҳавосидан баҳраманд бўлган тажрибали футболчилар жалб қилиниши режа қилинган.

– Жамоа йиғини қачон бошланади?

– "Хоразм" жамоаси бугун, 18 декабрдан машғулотлар режасига биноан биринчи қисмини Урганч шаҳрида бошлаб юборди. Ушбу йиғинга асосан ўтган йилги таркибнинг 70-80% футболчилари ҳамда селекция орқали маҳаллий ёшлар жалб қилинган. Селекция ишлари давом этади.

– "Хоразм" спорт мажмуаси чими ҳозир қандай ҳолатда?

– Барчага маълумки, Хоразм вилояти кескин континентал ҳудудда жойлашгани сабабли "Хоразм" спорт мажмуаси майсасини парвариш қилиш анча қийинчиликлар туғдирмоқда. Тан олиш керак, майдон ҳолати ҳозирда Суперлига талабига жавоб бермайди. Лекин стадион инфратузилма жиҳатидан Республикамизнинг энг яхши ўйингоҳларидан бири десак муболағали эмас. Стадион чимини янгилаш борасидаги режалар мавжуд. Бу борада ҳам ишлар тез орада ўз ечимини топади.


Шерзод Нурматов суҳбатлашди


Ўзбекистон профессионал футбол лигаси Суперлига ва Про лига регламентига кўра, футбол клуби мусобақада қайси ўринни эгаллашидан қатъи назар агар у лицензиялаш талабларини бажара олмаса, ЎФА тегишли қўмитаси лицензиялаш таҳлиллари асосида ўз хулосаси билан футбол клубини мусобақадан четлатишни талаб қилиш ҳуқуқига эга. Бундай ҳолатда лицензиялаш талабини бажара олган қуйи лиганинг тартиб бўйича кейинги футбол клуби мазкур қатнашчи ўрнини эгаллайди.

Якунига етган мавсум натижасига кўра юқори тоифадаги лигада қатнашиш ҳуқуқини қўлга киритган футбол клуби ушбу ҳуқуқдан воз кечса ёки унда мазкур лигада иштирок этиш учун Регламент, меъёрий ҳужжатлар асосида қандайдир тўсиқ (чеклов) бўлса, унинг ўрни мавсум якунига кўра кейинги ўринни эгаллаган бошқа футбол клуби билан тўлдирилади. Бунда мазкур футбол клуби лицензиялаш талабларига жавоб бериши талаб этилади.

Шундай экан, "Металлург" футбол клуби Суперлигада иштирок этмаса, кейинги номзод "Хоразм" профессионал футбол клуби ҳисобланади. Сабаби клуб ўзидан юқори турган клублардан фарқли ўлароқ, ОФК талабларини бажара олган. "Хоразм" ҳозирги ҳолатда майдон ҳолатини инобатга олмаса (вақтинча бошқа майдондан фойдаланса), бемалол Суперлигада ўйнай олади.

"Металлург"нинг тақдири 24 декабрга қадар маълум бўлади. Акс ҳолда "Олимпик", "Хоразм" ёки "Локомотив"дан бири Суперлигада қатнашади

Rating: +8   

Comments

championat.asia
< show latest news
Яндекс.Метрика