Хитойлик Ву Лэй Испанияда коронавирусга чалинди
21 mar 2020 15:33
News

Хитойлик Ву Лэй Испанияда коронавирусга чалинди

"Эспаньол"нинг хитойлик ярим ҳимоячиси Ву Лэйнинг коронавирус учун топширган тестлари ижобий чиқди.

28 ёшли футболчи Испанияда коронавирус инфекциясини юқтириб олди. У ҳозирда Барселонадаги уйида карантинда.

Футболчида касалликнинг енгил аломатлари бор. У даволаниш жараёнида. Хитой футбол ассоциацияси (CFA) ярим ҳимоячининг касаллигидан хабардор ва керакли ёрдамни кўрсатади.

Ву Лэй Европанинг кучли бешлик чемпионатларида ўйнаётган ягона хитойликдир. Энди у коронавирусга чалинган илк хитойлик профессионал футболчи ҳам бўлди.