Хави: "Месси - "Барселона"да энг кичкинаси, аммо ҳамма нарсада энг яхши"

"У орамиздаги энг кичкинаси, аммо ҳамма нарсада энг яхши, хатто иккинчи қаватда ҳам. Месси ақлга сиғмас ишларни бажаради. Лео хатто ҳимояда ҳам энг яхши. Қанот ҳимоячиларига прессинг уюштириб, тўпни бизникиларга қайтариб беради. У ҳамма нарсада энг яхши.

Месси сенинг жамоангда ўйнаётганида, уни эътибордан четда қолдирмаслигинг зарур. Яна нима қўшиш керак? Агар Месси олдинга қараб очилаётганини кўрсанг, аммо тўп ошириш учун яна бир вариант бўлса, тўпни Леога ташла. Ҳужум жуда ҳавфли кўриниш олиши аниқ.

Шахсан мен уни футбол тарихидаги энг яхши футболчи деб биламан. Сўнгги 8-10 йил ичида у жаҳондаги энг кучли ўйинчи эканлигини исботлади. Унда яхши ва ёмон мавсумлар бўлди. У инсон. У феномен" - дейди Хави.