Хави: "Гвардиола – бугунги кундаги энг яхши мураббий"

Гвардиола ҳозирда "Манчестер Сити"ни бошқармоқда.

"Гвардиола – бугунги кундаги энг яхши мураббий. Мен унинг қўл остида мусобақаларда қатнашганман, у билан бошқа мураббийлар орасида жуда катта фарқ бор, жумладан мен билан ҳам. Пеп – ҳар жиҳатдан даҳо. У инсон эмас. У бутунлай бошқа мавжудот.

Биз бирга ўйнаганмиз, кейин у менинг мураббийим бўлди. Унинг Англияда эришган ютуқлари мени ҳайратда қолдиргани йўқ. Мен у буларга эришишини билардим.

Мен ва Пеп орамизда маълум бир боғлиқлик бор. Эсимда, ўйнаб юрган пайтларимда "биз фалон сабабларга кўра, буни қилишимиз керак", деб ўйлаб қўярдим. Биз кийиниш хонасига тушсак, Пеп айнан шу нарсани айтарди.

У учрашувларга фантастик тарзда тайёргарлик кўрарди. Унинг айтганлари ҳар доим амалга ошарди. Ундан кўп нарсаларни ўрганганман", – деди Хави.