Хави: "Барселона" - ҳаёт мактаби"

"Бунга ишона олмасдим. Аввалига академияда ўқиш учун кўп болалар каби кўрикда иштирок этдим. Отам менга "Барселона" билан шартнома имзоланганини айтмаган эди, шу сабабли асабийлашдим. Кўрикда қатнашдим ва отам менга битим имзоланганини айтди. Ўзимни худди эртакка тушиб қолгандек ҳис қилдим. Биринчи кундан роҳатланишга интилдим, мураббийдан кўп нарсаларни ўргандим. "Барселона"да нафақат футбол, балки ҳаёт дарсларини ҳам олдим.

"Барселона" - ҳаёт мактаби эканлигини доимо таъкидлайман. У ерда бошқаларни ҳурмат қилиш, жамоадошларни қадрлаш ва эгоист бўлмасликни ўргатишади. Футбол - жамоавий ўйин ва сен жамоадошларинг ҳақида ўйлашни, мураббийнинг ҳар қандай қарорини ҳурмат қилишни ўрганасан. Жамоа механизми, бираликда ишлашга ҳурмат билан қараш лозим. Буни уйимда ўрганганман, чунки оилам намунали эди деб ўйлайман. Бироқ "Барселона" ҳам шундай. Уйимда ва "Ла Масия"да ҳаммаси яхши инсон бўлиб етишишим учун қилинган. "Барселона"да нафақат футбол ўйнашга, балки етук инсон бўлиб етишишингга ўргатишади. Бу ҳақиқий ҳаёт мактаби" - дейди Хави.