Хавьер Маскерано: "Ўзбекистоннинг Осиё чемпиони сифатида қийин рақиб эканлигини билардик"
21 may 2023 05:29
News

Хавьер Маскерано: "Ўзбекистоннинг Осиё чемпиони сифатида қийин рақиб эканлигини билардик"

U-20 жаҳон чемпионати доирасида Аргентина — Ўзбекистон учрашувидан сўнг мезбонлар бош мураббийи Хавьер Маскерано ўз фикрлари билан ўртоқлашди.

"Ўзбекистоннинг Осиё чемпиони сифатида қийин рақиб эканлигини билардик. Очилиш учрашуви билан боғлиқ ҳадик бор эди.

Биринчи ўйин ҳар доим бизни асабийлаштирган. Мен бу ҳақда йигитлар билан гаплашдим, улар кучини ижобий нарсаларга сарфлаши керак. Баъзида ўзимиз хоҳлаган ўйинни намойиш эта олдик, бироқ янада шаклланишимиз учун кўп меҳнат қилишимиз даркор.

Диққатни бир жойга жамлашдаги муаммолар биринчи голга олиб келди, бироқ футболчилар буни тузата олди. Иккинчи бўлимда эса шогирдларим толиқди ва баъзи услубий ўзгаришларга қўл урдик.

Мухлисларга тўла стадионда ўйнашдан яхшироқ нарса йўқ. Жаҳон чемпионатида ўйнаш жуда катта масъулият талаб этади, лекин мен йигитларга бундан завқ олишлари кераклигини айтаман", деди "Барселона"нинг собиқ футболчиси.

Link :

Source : championat.asia

Receive latest football news directly on your phone. Subscribe for our Telegram channel!

Rating: +12