"Вольфсбург" FIFA футбол симулятори вице-чемпиони билан шартнома тузди

Клуб англиялик FIFA 16 футбол симулятор ўйинчиси Дэвид Байзевей "DaveBtw" билан шартнома тузди.

Бундан ташқари, "Вольфсбург" геймерлар учун стул ишлаб чиқарувчи "NEEDforSEAT" билан ҳомийлик битимига имзо чекди.

"Биз бу йўналишда Бундеслига жамоалари орасида етакчи бўлмоқчимиз. Мақсадимиз - ҳақиқий ва виртуал футбол ўртасидаги алоқаларни яхшилаш.

FIFA йилдан-йилга ҳақиқий футболга ўхшаб боряпти, кўплаб футболчи ва мухлислар орасида ушбу ўйин жуда машҳур" - дейди "Вольфсбург" спорт директори Клаус Аллофс.

Олдинроқ "Вольфсбург" Бенедик Сальцер "Salz0r" билан шартнома имзолаган эди. У мусобақаларда бир неча маротаба клуб шарафини ҳимоя қилган.

Тез орада икки киберспортчи ҳам Go4Cup ва Gfinity онлайн-чемпионатларда иштирок этишади. Сальцер 22дан 24 янвагача Германияда бўлиб ўтадиган Dreamhack Leipzig турнирида ҳам қатнашади.

Дэвид Байзевей "DaveBtw" 1993 йилнинг июлида Англияда туғилган. У 2014 йилда Рио-де-Жанейрода бўлиб ўтган FIFA (FIWC) бўйича жаҳон чемпионатида кумуш медали соҳибига айланган.