“Вольфсбург” Бундеслига “прописка”сида қоладиган бўлди
30 may 2017 04:10
News

“Вольфсбург” Бундеслига “прописка”сида қоладиган бўлди

Плей-офф ўйинида “бўрилар” иккинчи Бундеслигада 3-ўринни эгаллаган Брауншвейгнинг “Айнтрахт” жамоасини ҳар иккала ўйинда ҳам бир хил 1:0 ҳисобида мағлуб этишди.

Биринчи ўйин “Вольфсбург” майдонида ўтказилиб, унда мезбонлар зафар (1:0) қучишганди. Жавоб учрашувида ҳам “бўрилар” киритилган биргина гол эвазига ғалаба қозонишди.

Ягона гол 49-дақиқада Аделин Виейринья томонидан киритилди. “Вольфсбург” ўтган мавсум Бундеслигада 16-ўринни эгаллаганди. “Айнтрахт” эса иккинчи Бундеслигада учинчи бўлган эди.