“Водий футболи”. “Навбаҳор” Тошкентда йиғилди

“Андижон”: Бугундан машғулотлар бошланди
Эдгар Гесс кеча футболчиларга бир кунлик дам берган эди. Бугундан яна машғулотлар бошланди, тушда ўтказилган машғулотда барча ўйинчилар иштирок этишди.

Олий лиганинг 9-турида “Навбаҳор”га қарши кечган беллашувда қизил карточка олган Санжар Асқаралиев ҳамда Иброҳим Отахоновлар кейинги ўйинда майдонга тушишлари мумкин. Улар битта ўйинга дисквалификация қилинган эди.


“Қўқон-1912”: Футболчиларга бир кунлик дам берилди
Қўқонликлар олий лига 10-турида “Локомотив”га 0:1 ҳисобида имкониятни бой бериб қўйишди. Бугун бош мураббий Рустам Абдуллаев футболчиларга бир кунлик дам берди. Эртадан эса навбатдаги учрашувга тайёргарлик бошланади.

Эслатиб ўтамиз, “Қўқон-1912” жамоаси 11-турда ўз майдонида “Навбаҳор” билан куч синашади.


“Навбаҳор”: Жамоа Тошкентда йиғилди
Олий лига 11-турида “Олмалиқ” билан ўтказилган ўйиндан кейин футболчиларга дам берилмади. Жамоа кеча клуб базасида машғулот ўтказди. Бугун эса жамоа Тошкентда йиғилди. Кечки машғулот пойтахтда бўлиб ўтади.

Эслатиб ўтамиз, “Навбаҳор” жамоаси ўзининг навбатдаги ўйинини 27 май санасида Ўзбекистон кубогининг 1/8 финали доирасида Тошкентнинг “Локомотив” клубига қарши ўтказади.

“Нефтчи”: Дербига тайёргарлик бошланди
“Нефтчи” олий лиганинг охирги иккита турида “Пахтакор” ва “Насаф”га имкониятни бой бериб қўйди.

Жамоа бугундан машғулотларга киришди. Навбатдаги турда ҳам клубни қийин ўйин кутиб турибди. Олий лига 11-турида “Нефтчи” водий дербисида “Андижон”га қарши майдонга тушади.