Владислав Николаевич Хан яна “Севинч” бош мураббийи

Клуб раҳбарияти томонидан Ўзбекистонда хизмат кўрсатган спорт устози ва “Севинч”ни юқори натижалар орқали нафақат мамлакатимизда балки, хорижда ҳам танитган, тажрибали мутахасис Хан Владислав Николаевич яна клуб бош мураббийлига таклиф этилди.

Бугун клуб мураббийлари ва ишчи-ходимлари иштирокида йиғилиш бўлиб ўтди. Йиғилишда клуб президенти Ш.Ч. Асланов шахсан ўзи иштирок этди ва клуб раҳбарияти қарорини эълон қилди. Шундай қилиб, Хан В.Н. бугундан “Севинч” клубига бош мураббийлик қилади. Шунингдек унга клубни бошқариш вазифаси ҳам топширилди. “Севинч” жамоаси олдига ўз мавқиени тиклаш ва ҳамиша чемпионлик учун курашиш вазифаси ҳам қўйилди.

Бунгача бош мураббий бўлиб ишлаган Б.М. Норсафаров ўз ҳоҳишига кўра, истеъфога чиқарилди. Жамоа мураббийлар штабида бошқа ўзгариш бўлгани йўқ.

“Севинч” жамоаси янги мавсум тайёргарлигига 10 январ кунидан киришади. Шу кундан жамоа ўз қароргоҳи – “Геолог” спорт мажмуасида йиғилади ва машғулотларни бошлайди. “Севинч” клубида ташкилий жиҳатдан ҳам ўзгаришлар бўлади.