Виктор Кумиков: "Олти очколик ўйинда ғалаба қозондик"

Ўйин ҳақида

"Ўйин ҳақида фикрим шундай, баҳс олти очколик эди. Ғалаба қозондик. Биласиз, икки жамоа ҳам олдига Суперлигага чиқиш вазифасини қўйган. Футболчилар чиройли бўлмасада, жанговор ўйин намойиш этишди. Очиғи иккита гол бўлишини кутмагандим. Қайсидир жамоа битта тўп киритиб ғалаба қозонишини тахмин қилгандим. Йигитларга катта раҳмат айтаман. Улар катта ҳажмдаги ишни бажарди",- дейди Кумиков.

- Қизил карточка ҳақида...

- Ҳакамлар вазиятни тўғри баҳолади. Ҳеч қандай эътироз йўқ.

-  "Турон" қай даражада кучли жамоа?

- Кучли бўлмаганида юқори ўринларда юрмасди. Четлатишга қадар жамоаларнинг кучи тенг бўлиб турганди. Кейин эса ўзгарди. Умуман олганда жамоаларнинг таркиби, даражасида катта фарқ йўқ. 

- Фарҳод Соҳибжоновнинг алмаштирилиши нима билан боғлиқ?

- Чунки чарчаб қолди. Керакли зоналарга югурмади. Аслида илгарироқ алмаштирмоқчи эдим. Кўриниб турибди улгурмаяпти.