Виктор Кумиков: "Ҳоким кубоги" мусобақаси бизга қўл келди"
30 jan 2022 17:03
News

Виктор Кумиков: "Ҳоким кубоги" мусобақаси бизга қўл келди"

Tags : "Қўқон-1912" "Андижон"Виктор Кумиков

Хабарингиз бор, айни кунларда Фарғона шаҳрида ташкил этилаётган "Ҳоким кубоги-2022" мусобақаси давом этмоқда. Сайтимиз мухбири мазкур мусобақа доирасидаги "Қўқон-1912" - "Андижон" (0:0) учрашувидан андижонликлар бош мураббийи Виктор Кумиков билан қисқа интервью ташкиллади.

- Виктор Балютович, "Ҳоким кубоги" мусобақаси ҳақида фикрингиз қандай?

- Биласизми, бу мусобақа биз учун айни қўл келди. Чунки ҳозирги кунда таркибимизда 50-60 нафар атрофида футболчилар кўрикдан ўтишмоқда. Биз мазкур мусобақа доирасидаги ўйинларда кўрикдаги футболчиларнинг имкониятларини кўздан кечириб олаяпмиз. Гарчи жамоамизнинг асосий таркибига мўлжал қилинган футболчиларнинг барчаси ҳам ҳозирча ушбу мусобақага етиб келишмаган бўлса-да, натижаларимиз ёмон бўлмади. Биз гуруҳда иккинчи ўринни қўлга киритиб мусобақанинг чорак финал босқичига йўл олдик.

- Жорий мавсум "Андижон" олдига қандай вазифалар қўйилган?

- Келаётган мавсумда мақсадимиз фақат ва фақат "Андижон"ни Суперлигага қайтариш. Шундан келиб чиққан холда селекция ишларимиз давом этмоқда.

Бекзод Толибов ёзиб олди

Link :

Source : championat.asia

Receive latest football news directly on your phone. Subscribe for our Telegram channel!

Rating: +9