Вьетнам U-23 бош мураббийи Гун О-Гюн: "Ғалаба қозонишни Кореядан кўра кўпроқ хоҳлагандик"

Ўйиндан кейинги матбуот анжуманида Вьетнам U-23 бош мураббийи Гун О-Гюн қатнашди. 

- Ўйин ҳақидаги фикрларингиз

- Дуранг натижа қайд этилганига қарамай, менга ўйин ёқди. Футболчиларимга раҳмат. Мухлислардан эса узр сўрайман. Вьетнам мусобақага етарлича тайёргарлик кўрмади. Шунга қарамай, яхши ўйин кўрсатяпмиз. Мухлислардан айнан шунинг учун узр сўрадим. 

- Дуранг натижа қайд этилишини ўйиндан олдин кутганмидингиз?

- Йўқ, кутмагандим. Умуман олганда, барча ўйин дурангдан бошланади. Биз Корея билан дуранг ўйнашимиз керак эмасди. Мен ғалаба қозонишимиз кераклигини таъкидлаб келгандим. 

- Дурангдан қониқмадим дедингиз. Аммо Корея мусобақаги энг кучли жамоалардан бири…

- Ўйин тугагач ҳеч ким ўзини кучлироқ деб ҳис қилмади. Корея кучли ва тажрибали жамоа. Улар ажойиб ўйин кўрсатишди. Аммо биз ҳам улардан ёмон ўйин кўрсатмадик. Ғалаба қозонишни биз кўпроқ хоҳладик. 

- Корея кучли жамоа. Аммо Вьетнам яхшироқ ўйнади. Сизлардаги ишонч қачон пайдо бўлди? 

- Машғулотлардаёқ ўйинчиларимда ишонч юқори эди. Мен шунчаки керакли кўрсатмаларни бердим. Бугун улардаги ишончни кўриб, ўзим ҳам бироз ажабландим.

- Малайзияга қарши бўладиган ҳал қилувчи учрашувга қандай тайёргарлик кўрасизлар?

- Футболчиларим биринчи ўйиндаёқ мусобақага, иқлимга мослашиб олишганди. Бугун таркибда кўп ўзгаришларни амалга оширдим. Кейинги ўйинга тайёрмиз. Бизнинг футболчилар жудп кучли. Уларда қайта тикланиш жараёни тез кечади

- Пан Туан Таи жуда кучли ўйин кўрсатмоқда. Учинчи учрашувда рақиб айнан уни зарарсизлантиришга уринмайдими? Нима деб ўйлайсиз?

- Бизда кучли ўйинчилар кўп. Таи ҳам шу каби ўйинчилардан бири. Биринчи ўйинда барча футболчилар кучли ўйин кўрсатишди. Бу эса менга ёқди.