"Вест Хэм"дан янги рекорд

“Вест Хэм” Англия Премьер-лигаси жамоалари орасида янги рекорд ўрнатди.

Пайшанба оқшомида "Вест Хэм" Европа Лигаси гуруҳ босқичининг 2-турида "Фрайбург"ни 2:1 ҳисобида мағлуб этди. Германияликлар устидан қозонилган ғалаба янада аҳамиятли бўлди, чунки лондонликлар инглиз футболи тарихига киришга муваффақ бўлишди.

"Болғачилар" еврокубоклардаги мағлубиятсиз серия бўйича янги рекорд ўрнатдилар – Дэвид Мойес шогирдлари қаторасига ўн етти учрашувдан бери мағлубиятга учрамай келмоқда.

"Вест Хем" охирги марта 2022 йилда "Байер"га қарши ўйинда мағлуб бўлган эди.