"Вест Хэм" сардори Нолан жамоанинг рождество шарафига зиёфат ўтказишига йўл қўймади

7 декабрь куни "Ливерпуль"га қарши ўйинда Нолан қизил карточка олиб, майдондан четлатилган эди. Айнан ўша ўйиндан кейин жамоа Дублин шаҳрига йўл олиб, у ерда Рождествони нишонламоқчи эдилар. Ўтган йили ҳам жамоа бу байрамни Дублинда нишонлаган. 

Бироқ, жамоанинг 31 ёшли сардори, шерикларига қўшимча машғулотларда қатнашишлари лозим эканини тайинлаб, ушбу сафарни ва байрам зиёфатини бекор қилди.

Эслатиб ўтамиз, Ноланнинг ўзи дисквалификация сабаб кейинги уч ўйинни ўтказиб юбориши маълум қиниган эди.