Вернер: "Фаолиятимдаги энг оғир давр ортда қолди"

15 февраль кунида германиялик футболчи АПЛнинг 24-турида "Ньюкасл"га гол уриб, 13 ўйинлик голсиз сериясига нуқта қўйди.

"Гол урмаган вақтим - мен учун энг оғир давр. Чунки шу пайтда мен жуда кўплаб голли вазиятларни кўкка совурдим. Узоғи билан икки ўйинда бундай серияларга нуқта қўя олардим. Аммо хурсандчилик туйғуси бўлмаса, бу қийин бўлар экан.

Ярим йиллик фаолиятимга назар ташлар эканман, ҳаётимдаги энг қийин даврлар ўтяпти. Шунингдек, нималарнидир ўрганяпман. Гол ура олмяпсанми, демак, кимдандир ниманидир ўрганишинг керак.

Ҳолатдан чиқиб кетиш учун анча нарсаларни тушуниб олдим. Балки энг яхши даврлар бошланаётгандир. Чунки ёмон даврда сиз кўп нарсаларни тушуниб оласиз", - деди Вернер.