ван Дейк, Фабиньо ва Жонс "Ньюкасл"га қарши ўйнамайди. Улар коронавирусга чалинган бўлишлари мумкин

"Ливерпуль" клубининг бир неча футболчилари коронавирусга қарши шубҳали тест топширишди. Виржил ван Дейк, Фабиньо ва Кёртис Жонсда эҳтимолий коронавирус вируси борлиги маълум бўлди. Ҳозирда бу футболчилар изоляция ҳолатида ва бугун "Ньюкасл"га қарши ўйинда майдонга туша олишмайди. 

Бу футболчиларнинг шубҳали тест натижаларидан сўнг, барча ҳодимлар ва футболчилар қайта тест топширишди. Аммо, ҳеч кимда коронавирус аниқланмади. Юқоридаги футболчилар эса жамоадан ажратилган ва қайтадан тест топширишади. 

АПЛ ўйинларининг катта қисми бошқа санага қолдирилаётгани, баъзи клублар эса вирус ўчоғига айлангани кўпчиликка маълум.