Вадим Шодиматов: "Машъал"ни ишончли ғалаба билан табриклайман"

"Машъал"ни ишончли ғалаба билан табриклайман. Яхши жамоа, натижа ўйинга яраша бўлди", - дейди Вадим Шодиматов.

- Нима учун Андрей Бакланов майдонга тушмади?
- Бугун ўзини кўрсатиши керак бўлган дарвозабонни майдонга туширгандик. Афсуски бундай бўлмади.

- "Олмалиқ"қа қарши ўйиндан кейин мағлубият бўлса ҳам Рустам Абдуллаев ўйиндан қониққанини маълум қилганди. Бугунги баҳсда жамоанинг ўйинидан нечи фоиз қониқдингиз?
- Қандай фоизлар? Нималар деяпсиз, натижа салбий бўлди. Жуда ёмон ўйин.

- Бугунги ўйинда жамоа олдига қандай вазифа қўйилганди?
- Ҳар бир жамоа ғалабага эришишни истайди. Биз ҳам ғалаба учун ўйнагандик.

- Нима учун Нодир Қўзибоев илк дақиқалардан майдонга тушмади?
- Бу тактика билан боғлиқ. Режамизга кўра у майдонга тушиб ўйинни кучайтириши керак эди.