"УзДонгЖу" ҳам тайёргарликни бошлади

Мавсумни 5-ўринда якунлаган жамоа бугун ўз қароргоҳида йиғилди.

Бош мураббий Нозим Муллаохунов айни дамда Тошкентда ўтаётган "А" мураббийлик лицензияси учун ўқимоқда. Шу боис тайёргарликнинг биринчи босқичини унинг ёрдамчилари олиб боради. Абдурашид Исмоилов бошчилигида ўтаётган машғулотларда жорий мавсум жамоа шарафини ҳимоя қилган барча футболчилар иштирок этмоқда. Жамоанинг асосий мақсади ёшларга урғу бериш эканлиги боис, "Ихтисослаштирилган футбол мактаб интернати"дан етишиб чиқаётган ёшларни қишки йиғинларда синаб кўриш ва улардан энг иқтидорлиларини саралаб олиш кўзда тутилган. Қолаверса бу йил вилоят иккинчи лигасида иштирок этган "УзДонгЖу-2" жамоасидан ҳам бир қатор ёшлар асосий жамоага ўтади.

Футболчилар эртадан кунига икки маҳал шуғулланади. Мазкур йиғин 30 декабрга қадар давом эттирилади.