Умиджон Эргашев: "ОКМК билан ўйинда бизни ғалабадан бошқа натижа қониқтирмайди"

"ОКМКга қарши кечадиган ўйин томошабоп бўлишига ишончим комил. Боиси, ҳар икки жамоа чиройли футбол намойиш этади. Бўлажак учрашув кескин курашларга бой тарзда кечади деб ўйлайман. 

Чемпионлик йўлидаги курашни давом эттиришимиз учун олмалиқликлар билан бўладиган ўйинда ғалаба қозонишимиз шарт, чунки фақатгина ютуқ бизни чемпионлик пойгасига қўшилишимизни таъминлайди. Буни жамоамиз аъзолари жуда яхши ҳис қилиб туришибди ва бўлажак баҳсга жуда яхши тайёргарлик кўрдик. 

Мақсадимиз – шанба оқшомида "Марказий" стадионига ташриф буюрадиган мухлисларга қувонч улашиш. Бизни ғалабадан бошқа натижа қониқтирмайди. 

Буни амалга ошириш учун қўлимиздан келганича ҳаракат қиламиз", – деди Эргашев.

Эслатиб ўтамиз, "Навбаҳор" – ОКМК беллашуви эртага 20:00 да бошланади.