Улуғбек Бақоев: "Иккита мағлубиятдан сўнг бизга ғалаба зарур эди"

Ўйин ҳақида

- Кетма-кет икки ўйиндаги мағлубиятдан сўнг бизга ғалаба зарур эди. Бугун йигитларга сифатли ўйин учун миннатдорчилик билдираман. Ҳар икки бўлимда кўрсатган ўйинимиздан қониқдим. 

- Ўтган ўйин якунида истеъфо сўрагандингиз. Бу ҳақиқий қарорингиз эдими ёки ўйин эмоциясида айтилган фикрмиди?

- Олдимизда совринлар учун курашиш вазифаси турибди. Натижа мен учун жуда муҳим. Ҳозир ишлаяпман, демак мураббийлик фаолиятим давом этади.

- Хислат Халиловнинг ўйинига қандай баҳо берасиз?

- У яхши футболчи, сифатли ўйин намойиш этади. Қайси футболчини муносиб деб ҳисобласак жамоага таклиф этамиз. Бугун бутун жамоа яхши ўйнади.

- Ўтказиб юборилган иккинчи голда дарвозабоннинг айби бор деб ҳисоблайсизми?

- Ўйинни қайта кўриб чиқиб таҳлил қиламиз. Ҳозир бу борада бирон фикр айтиш қийин. Гол ўтказдикми, демак бутун жамоанинг айби бор.