Улуғбек Бақоев: “Бунёдкор” билан ўйинда ғалаба учун майдонга тушамиз"
28 nov 2019 14:54
News

Улуғбек Бақоев: “Бунёдкор” билан ўйинда ғалаба учун майдонга тушамиз"

Coca Cola суперлигаси 25-тур “Сўғдиёна” – “Насаф” учрашувидан кейинги матбуот анжуманининг иккинчи қисмида мезбонлар устози Улуғбек Бақоев бўлиб ўтган учрашув ҳақида ўз фикрларини билдириб ўтди.

- Авваламбор йигитларга раҳмат айтмоқчиман. Беллашув биз хоҳлагандек бўлиб ўтмади. Бугун уч хил тактик режаларни қўллаб кўрдик. Таваккал қилдик. Ютишни хоҳлагандик, лекин бу футбол. Натижа адолатли бўлди деб ўйлайман. Бугунги беллашувга ташриф буюрган барча мухлисларга ўз миннатдорчилигимини билдириб қоламан.

Бизда ҳали имконият бор ва биз охиригача курашамиз. Агарда мавсум бошидага ҳолат билан солиштирадиган бўлсак ҳозир бизда умуман бошқача вазият.

Рўзиқул Бердиев тартибли инсон. “Насаф” жамоаси ҳам тартибли ўйин кўрсатишини яхши билар эдик. Уларга ҳам омад тилаб қоламан.

“Бунёдкор” жамоасига қарши режага асосан тайёргарлик олиб борамиз. Мағлубиятга учрамайдиган жамоанинг ўзи йўқ. Ғалаба учун майдонга тушамиз.