Улуғбек Бақоев: "Биз руҳий "чуқур"га тушиб қолгандик"

"Беш ўйинлик ғалабасиз серияни якунлаганимиздан хурсандман. Биз руҳий "чуқур"га тушиб қолгандик. Бундай вазиятлардан ишонч йўқолади. "Қизилқум"нинг ўрта чизиғи жуда кучли. Шундай ўйинда 3 очко олганимиз учун футболчиларимга раҳмат айтаман. "Қизилқум"га кейинги ўйинларда омад тилайман. Бундай иссиқ ҳавода ўйнаш иккала жамоага ҳам осон бўлмади. Иккинчи таймда учрашув бироз тезлашди. Кучли олтиликка кириш учун охиригача курашамиз, олдинда яна учта ўйин бор. Ҳар бир баҳсга профессионал тарзда ёндошамиз", - дейди Бақоев.

"Жуда қийин ўйин бўлди. Бешта ғалабасиз ва 4та ўйинлик голсиз серияга барҳам бера олганимиздан хурсандман. Йигитлар бор кучи билан ўйнашди. Вазифа кучли олтиликка кириш эди, биз бунга ҳаракат қилишда давом этамиз", - дейди Арслонмурод Омонов.