УЕФА Симеонени четлатиши мумкин
22 feb 2019 20:10
News

УЕФА Симеонени четлатиши мумкин

“Атлетико” бош мураббийи Диего Симеоне ЕЧЛнинг 1/8 финали доирасидаги илк учрашувда голни ноодатий хатти-ҳаракат билан нишонлагани учун УЕФА томонидан четлатиши мумкин, дея хабар беради Gazzetta dello Sport.

Агар ташкилот Симеонени дисквалификация қиладиган бўлса, у ҳолда 48 ёшли мутахассис "Ювентус"га қарши жавоб баҳсида шогирдларига ёрдам бера олмайди. Аввалроқ, мураббийнинг ўзи ушбу ҳаракатини чин юракдан бажарганини билдирган. Бироқ, кўпчилик бу ҳолатни VAR'га норозилик дея баҳолаган.

Эслатиб ўтамиз, “Атлетико” ва “Ювентус” ўртасидаги биринчи ўйинда 2:0 ҳисобида майдон эгалари ғалаба қозонган эди. Туриндаги жавоб ўйини эса Тошкент вақти билан 13 март куни, соат 01:00 да бошланади.