Учинчи ўрин эгалари тўқнашувида ким ғолиб бўлади? "Лейпциг" ёки "Атлетико"? Превью

"Лейпциг" ЕЧЛ гуруҳ босқичида биттагина мағлубият қайд этди ва биринчи ўринни эгаллади. Немис клуби 1/8 финалда Жозе Моуринью бошчилигидаги "Тоттенхэм"ни осонлик билан таслим қилди.

"Атлетико" эса гуруҳда 10 очко тўплаб иккинчи ўрин билан нимчорак финалга чиқди. Бу босқичда мусобақанинг амалдаги чемпиони "Ливерпуль" билан тўқнаш келган Симеоне шогирдлари иккала ўйинда ҳам ғалабага эришиб чорак финалга йўл олишди.

Қизиғи бугунги рақиблар якунланган мавсум ўз миллий чемпионатларида учинчи ўринни эгаллашди.

"РБ Лейпциг" бош мураббийи Юлиан Нагельсманн: "Эртанги ўйиндан уёғига умид қилмаймиз. Албатта, тоза немис финали Германиядаги барча футбол мухлислари учун совға бўлар эди. Аммо, биринчи бўлиб ярим финалга чиқишимиз керак, ҳа "Бавария"ни ҳам "Барселона"га қарши дуэль кутмоқда. Албатта, босим ва кескинлик мавжуд. Биз футболчиларни тинчлантиришимиз ва босимни камайтиришимиз керак. Биз аллақачон турли хил вариантларни кўриб чиқдик - агар биз гол урсак, агар "Атлетико" гол урса... Тўғри, "Атлетико" икки ўйинлик қарама-қаршиликларда кўпроқ тажрибага эга. Аммо, ҳозир ҳаммаси битта ўйинда ҳал бўлади ва бу ҳолатда ҳамма нарса рўй бериши мумкин".

"Атлетико" бош мураббийи Диего Симеоне: "Бизни ўзининг номига эга ёш мураббий қўл остидаги кучли жамоага қарши ўйин кутиб турибди. "РБ Лейпциг" ҳақиқатдан ҳам жуда кучли, уларнинг Бундеслигада учинчи ўринни қўлга киритишгани ҳам бекорга эмас. Улар биздан кўра камроқ ўйин ўтказишди, аммо статистика иккала жамоада деярли бир хил. Ғалаба қозониш биз учун муҳим деб айта олмайман. Аксинча, бу ягона мавжуд вариант"".

Чорак финалдан бошлаб барча ўйинлар Португалия пойтахти Лиссабон шаҳрида ўтказилмоқда. Жамоалар 3та тўхталишда 5та ўзгариш амалга оширишлари мумкин. Қўшимча таймлар бўлса яна битта қўшимча ўзгариш қўшилади. Бундан ташқари захира ўриндиғи узайтирилади. Қайдномага 18 эмас 23 нафар футболчи киритилади.

Лейпциг - Атлетико
13 август. Лиссабон. "Жозе Алваладе" стадиони. 23:59.
Бош ҳакам - Шимон Марчиняк (Польша).
Трансляция - "Футбол ТВ", "Матч-ТВ, МАТЧ! Футбол 1".

ТАХМИНИЙ ТАРКИБЛАР

"Лейпциг": Гулачи; Клостерманн, Упамекано, Хальстенберг; Лаймер, Забитцер, Кампл, Мюкиле; Форсберг, Нкунку; Шик
Ўйнамаган: Конате (жароҳат)
Қайдномага киритилган: Уго Новоа
Қайдномадан чиқарилган: Ампаду, Якель, Вернер, Вольф

"Атлетико": Облак; Ариас, Хименес, Савич, Лоди; Льоренте, Коке, Сауль, Карраско; Жоау Феликс; Коста
Ўйнамайди: Врсалько (жароҳат), Корреа (касал)
Сўроқ остида: Томас (жароҳат)

Муаллиф тахмини: "Атлетико" рестартдан сўнг умуман ютқазмади. 7та ғалаба ва 4та дуранг. "Лейпциг"ни асосий ҳужумчи Тимо Вернер тарк этди. Тахминим бугун ҳам Диего Симеоне шогирдлари мағлуб бўлишмайди ва ярим финалга йўл олишади - 1:0.

RB Leipzig Dani Olmo - 51', Tyler Adams - 88'

Champions League Final Stage . Round 1/4 14/08/2020, 01:00 1 : 2 Finished

Atletico Madrid Joao Felix - 71'

Stadium: Estadio Jose Alvalade, 0 spectators

Referee: Szymon Marciniak

45'

90'

51'  Dani Olmo

51'  Marcel Sabitzer

70'  Lukas Klostermann

72'  Konrad Laimer (Tyler Adams)

82'  Kevin Kampl

83'  Dani Olmo (Patrik Schick)

83'  Christopher Nkunku (Amadou Haidara)

87'  Amadou Haidara

88'  Tyler Adams

88'  Angelino

90'  Marcel Sabitzer (Nordi Mukiele)

58'  Hector Herrera (Joao Felix)

62'  Renan Lodi

71'  Joao Felix

72'  Diego Costa (Alvaro Morata)

90'  Koke (Felipe)

90'  Jose Gimenez

Open in Match Center

Нарзулла тайёрлади