U-17 Осиё кубоги. Ўзбекистон Саудия Арабистонини йирик ҳисобда енгиб, гуруҳ босқичини пешқадам сифатида якунлади
10 apr 00:08
News

U-17 Осиё кубоги. Ўзбекистон Саудия Арабистонини йирик ҳисобда енгиб, гуруҳ босқичини пешқадам сифатида якунлади

U-17 Осиё кубоги 3-тур ўйини якунланди.

Саудия Арабистони U-17 - Ўзбекистон U-17 0:3

22:15, "Қирол Фаҳд"

Голлар: 0:1 – 57, Рустамов (пенальти), 0:2 – 63, Алиев (Ҳабибуллаев), 0:3 – 70, Рустамов.

Саудия Арабистони - 22. Вафи Алаклуби 3.Носир Алфиҳани 6.Саид Алдссари 9.Аблулҳади Матари (17.Салим Абдуллоҳ, 46), 10.Абдулраҳмон Суфёни, 11.Сабри Даҳал (7.Алвалид Алоуфи, 64), 12.Адел Бин Ҳибаҳ 13.Осама Алдагмаҳ (19.Мухтар Барнауи, 64), 14.Абдулазиз Асири 18.Абдулазиз Алфаваз (23.Маҳир Таваши, 72), 20.Абу Бакр Саид.
Захира: 1.Муҳаммад Ҳулайиф 2.Язид Алдосари 4.Турки Нажи 5.Муаяяд Салим, 8.Тари Саид 15.Муҳаммад Алқарни 16.Ҳабиб Ал Антаиф, 21.Абдулраҳмон Алотаиби,

Ўзбекистон - 1.Шокиров, 4.Баҳодирхонов (с), 5.Муродов, 8.Муҳаммадов (22.Абдуллаев, 46), 9.Сарсенбаев (20.Алиев, 46), 10.Ҳабибуллаев, 13.Фазлиддинов, 14.Саидмуродов (6.Абдукаримов, 87), 15.Мусахонов (23.Маҳмуджонов, 72), 16.Абдумўминов (7.Ҳасанов, 63), 17.Рустамов
Захира: 21.Рустамжонов, 12.Избосканов, 18.Шукуруллаев, 19.Эримбетов, 2.Ботиралиев, 11.Содиқов, 3.Ҳакимов.

Огоҳлантириш: Мусахонов (35)

МАТНЛИ ТРАНСЛЯЦИЯ

ЯНГИЛАШ

Ўйин якунланди. Ўзбекистон гуруҳ босқичида 100% натижа қайд этиб, пешқадам сифатида кейинги босқичга йўл олди.

90+4. Ҳасанов рақиб жарима майдонида та қулай имкониятдан фойдалана олмади.

90. Иккинчи бўлимга 4 дақиқа қўшиб берилди.

88. Алиевнинг зарбасига аниқлик етишмади.

87. Ўзбекистонда ўзгариш содир бўлди.

79. Рустамовнинг ўнг қанотдан йўллаган айланма зарбасига аниқлик етишмади.

76. Аделнинг жаримадан йўллаган зарбаси "жонли девор"га тегиб, майдон ташқарисига чиқиб кетди.

75. Ўзбекистон жарима майдони яқинида жарима зарбаси белгиланди.

72. Ўзбекистон таркибида ўзгариш амалга оширилди.

70. ГОООООООООООООООЛ! Рустамов ҳисобни йирик кўринишга келтирди!

68. Асири катта тезликда ўтиб кетаётган Ҳасановни қўполлик эвазига тўхтатиб қолди.

63. ГОООООООООООООООЛ! Тезкор қарши ҳужумни Алиев муваффақиятли тарзда якунига етказди!

61. Рустамов чап қанотдан узатилган тўпга бош билан зарба йўллади, ноаниқ.

60. Саудияликлар жуда хавфли ҳужум ташкил этди, аммо якунда сусткашликка йўл қўйди.

59. Абдуллаев чап қанотдан рақиб жарима майдонига кириб боришга уринди ва бурчак зарбаси ишлаб олди.

57. ГОООООООООООООООЛ! Рустамов ўзи ишлаган пенальтини аниқ амалга ошириб, ҳисобни очди! Саудиялик дарвозабон тўп йўналишини топа олмади.

55. Пенальти! Рустамовни саудиялик ҳимоячилар қўполлик билангина тўхтатишга муваффақ бўлди.

50. Салим Абдуллоҳ дарвозабон билан бирга-бир вазиятга чиқиб борди, бироқ ҳакам ўйиндан ташқари ҳолатни қайд этди.

49. Абдулраҳмон Суфёнининг пенальтидан йўллаган зарбаси дарвоза тўсинига тегиб қайтди.

48. Ўзбекистон дарвозаси томон пенальти белгиланди. Баҳодирхонов тўп учун курашда фол қайд этган деб топилди.

46. Иккинчи бўлим бошланди.

Тайм якунланди.

45. Биринчи бўлимга 2 дақиқа қўшиб берилди.

45. Абубакрнинг узоқдан йўллаган зарбаси анча ноаниқ йўналиш олди.

42. Зарба! Рустамовнинг олис масофадан йўллаган зарбасини Алаклуби қайтарди.

40. Хавфли вазият! Матари рақиб посбони билан бирга-бир вазиятга чиқиб бориб, зарба йўллади, Шокиров ўз маҳоратини намойиш этди.

37. Сарсенбаев ўйиндан ташқари ҳолатда қолиб кетди.

35. Муҳаммадали Мусахонов қўпол ўйин учун сариқ карточка олди.

31. Абдулҳади Матарининг жароҳати сабабли ўйин тўхтатилди. У майдонга қайтди.

28. Бурчак узатмасидан сўнг ўзбекистонлик футболчи томонидан бош билан зарба йўлланди. Вафи Алаклуби яна ўз ўрнида.

26. Ҳабибуллаев чап қанотдан марказ томон ҳаракат қилди ва кучли зарба йўллади, аммо унга аниқлик етишмади.

24. Рустамовнинг бурчак узатмаси зарбага айланиб кетди, бироз ноаниқ.

23. Рустамов яна ўз омадини синаб кўрди, ўзбекистонликлар бурчак зарбаси ишлаб олди.

22. Зарба! Қанотдан оширилган узатмадан сўнг ҳимоячилардан қайтган тўпга марказда турган Ҳабибуллаев зарба йўллади, тўп рақиб дарвозабонининг қўлларига бориб тушди.

21. Зарба! Рустамовнинг жаримадан йўлланган зарбасига бироз аниқлик етишмади.

15. Саудиялик ҳужумчи Матари рақиб жарима майдонида ҳимоячи билан курашда йиқилди, аммо ҳакам ўйин қоидаси бузилмаганини таъкидлади.

10. Абдумўминов чап қанотдан рақиб жарима майдонига кириб борди, аммо саудиялик ҳимоячи тўпни майдон ташқарисига чиқариб юборди.

7. Сарсенбаевга нисбатан фол ишлатилди. Ўзбекистон стандарт вазиятга эга бўлди.

5. Хавфли вазият! Сарсенбаев шеригининг узатмасидан сўнг рақиб посбони билан деярли бирга-бир вазиятга чиқиб борди, бироқ якуний зарбани йўллай олмади.

4. Саудияликларнинг чап қанотдан бошлаган ҳужуми хавфли кўриниш олди, аммо якунда тўп айнан улардан майдон ташқарисига чиқиб кетди.

1. Ўйинни саудияликлар бошлади.