Latest news

03:09"Оловга мой сепган" Ямаль ёхуд "Реал" футболчилари нега "Барса" аъзосига ташланиб қолишди?  10 03:06АПЛ. "Тоттенхэм" меҳмонда "Эвертон"ни йирик ҳисобда мағлуб этди  0 03:02А Серия. "Рома" меҳмонда ғалабага эришди, "Ювентус" эса Римда мағлуб бўлди  1 02:04Миржалол Қосимов: "Охиригача курашиш - спорт принципи"  1 01:59Рўзиқул Бердиев: "Нефтчи" чемпион бўлса, қаҳрамонларни майдондан излаш керак эмас. Менинг ҳолатимга тушиб кўрсангиз биласиз"  16 01:00Илёс Зейтуллаев: "Каннаварога 'D’accordo' дея олмайман"  1 00:34Отабек Нарзуллаев: "Қашқадарё чемпион бўлишини хоҳлаймиз"  5 23:22Англиянинг уч топ-клуби "Бавария" футболчисига кўз тикмоқда  2 22:50Эл Классико. "Реал Мадрид" — "Барселона" 2:1  17 22:22Ла Лига. "Реал" "оловли" ўйинда Мбаппе ва Беллингемнинг голи эвазига "Барселона"ни мағлуб этди  348 22:20Суперлига. "Бунёдкор" – "Машъал" 2:1  0 21:00АПЛ. "Ман Сити" Ҳусановсиз меҳмонда "Астон Вилла"га мағлуб бўлди, "Арсенал" ўз уйида минимал ғалабага эришди  8 20:53МЮ январь ойидаёқ Беллингемни ўз сафига қўшиб олмоқчи  1 20:35Суперлига. ОКМК – "Насаф" 1:1   7 20:24Суперлига. Бир киши кам "Бунёдкор" "Машъал"ни мағлуб этди  11

"Турон" — меҳрибон! News

"Турон" — меҳрибон!

Про лиганинг амалдаги ғолиби Суперлигада очко улашишда давом этяпти.

Жамоа бугун Навоийдан қуруқ қўл билан ортга қайтди. Бу "Турон" учун қаторасига 6-мағлубият. Бунга қадар "Локомотив", "Насаф", АГМК, "Навбаҳор" ва "Пахтакор"га ҳам имконият бой берилганди. 

Номи келтирилган клубларнинг барчаси Яйпан жамоасидан ҳайбатлироқ кўриниши мумкин. Лекин шулар билан ҳар куни олишмасанг, ўзингни исботламасанг, "қари қашқирларнинг ичига тушиб қолган тойчоқ"дан фарқинг қолмайди. 

Айтишингиз мумкин, курашяпти-ку, деб. Йўқ, "Турон" жуда ҳам истаяпти, лекин очиқчасига курашиш учун кучи етмаяпти. Акс ҳолда, қаторасига 7 турдан бери ютолмаётган "Қизилқум"нинг ғалабасиз сериясини 8 тага етказиб қўярди. 

19-турда "Андижон"га, 21-турда "Қўқон-1912" ютқазган "Пахтакор" билан 20-турда тўқнаш келганида водий клубларининг эстафетасини бузиб қўймас эди.

4 та турда (17, 18, 20, 21) атиги 3 очко жамғаришни уддалаган "Навбаҳор"га 1 ўйинда 3 очко бермасди (19-тур).

Охирги 5 ўйинида 4 очко жамғарган АГМК футболчиларига "Турон" ҳам енгилмасди (18-тур).

Ўзигача бўлган 4 турда атиги 1 очко йиға олган "Насаф"га 1 ўйинда 3 очко бермасди (17-тур).

Сўнгги 6 ўйинида фақат 5 очко йиғган "Локомотив"дан ҳеч бўлмаса, 1 очко оларди (16-тур).

Гувоҳи бўлганингиздек, "Турон" жуда меҳрибон жамоа. Мавсумдаги энг ёмон даврини ўтказаётган "Пахтакор", "Қизилқум", "Насаф", "Локомотив", АГМК ва "Навбаҳор"дан қаторасига 6 ўйинда битта ҳам очко олмайдиган даражада меҳрибон ва сахий. Кўп эҳтимол билан, бундай жамоага Суперлиганинг келгуси мавсумида жой топилмаслиги мумкин. Бу борада сизнинг фикрингиз қандай? "Турон" чемпионатнинг охирги турига қадар сўнгги ўриндан юқорилаб, элитада жон сақлаб қоладими? → ТУРНИР ЖАДВАЛИ

Суперлига. "Бунёдкор", "Машъал" ва "Андижон"нинг ғалабасиз серияси давом этади 

Author :
Rating: +4   

Comments

championat.asia
< show latest news
Яндекс.Метрика