"Тоттенхэм" "Норвич" футболчиси учун 15 млн фунт таклиф қилди

"The Sun" нашри хабарига кўра, "Норвич"нинг ўнг қанот ҳимоячиси Макс Ааронс "Тоттенхэм" клуби қизиқишлари доирасига тушиб қолган. Лондонликлар жамоанинг ўнг қанот ҳимоя чизиғини мустаҳкамлаш устида жиддий бош қотирмоқдалар. 20 ёшли англиялик футболчи жорий мавсумда намойиш этаётган ёрқин ўйин "шпорлар" жамоаси мутасаддилари, хусусан, бош мураббий Жозе Моуриньюнинг диққатини жалб қилган. "Тоттенхэм" фулбек учун 15 миллион фунт таклиф қилган ва томонлар ўзаро музокараларни бошлаб юборишгани айтилмоқда.

Маълумот учун, Ааронс Англия чемпионатининг жорий мавсумида 19 учрашувда майдонга тушди.